Rain Alert : హైదరాబాద్‌కు ఎల్లో.. తెలంగాణకు రెడ్..

భార‌త వాతావ‌ర‌ణ శాఖ‌ ఆగస్టు 31 నుండి సెప్టెంబర్ 3 వరకూ భారీ వర్షాలు కురియ‌నున్న నేప‌థ్యంలో తెలంగాణకు రెడ్ అలర్ట్ జారీ చేసింది. హైదరాబాద్‌లో శనివారం ఉదయం నుంచి వర్షం కురుస్తుంది. దీంతో ఐఎండీ హైదరాబాద్‌ నగరానికి ఎల్లో అలర్ట్ జారీ చేసింది.

సెప్టెంబర్ 1వ తేదీన కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండతో సహా తెలంగాణలోని వివిధ‌ ప్రాంతాల్లో అతి భారీ వర్షాలు కురిసే అవకాశం ఉంది. కొమరం భీమ్ ఆసిఫాబాద్, మంచిర్యాలు, నిర్మల్, నిజామాబాద్, జగిత్యాల్, రాజన్న సిరిసిల్ల, నాగర్‌కునూల్ సహా జిల్లాల్లో సెప్టెంబరు 1న భారీ వర్షాలు కురిసే అవకాశం ఉంది. హైదరాబాద్, రంగారెడ్డి, మేడ్చల్ మల్కాజిగిరి, యాదాద్రి భువనగిరి జిల్లాల్లో భారీ వర్షాలు కురిసే అవకాశం ఉంద‌ని తెలిపింది.

సెప్టెంబర్ 2న ఆదిలాబాద్, నిర్మల్, నిజామాబాద్, కామారెడ్డి, నాగర్‌కర్నూల్, మహబూబ్‌నగర్‌లలో అతి భారీ వర్షాలు కురుస్తాయని హైదరాబాద్‌లోని IMD అంచనా వేసింది. ఆసిఫాబాద్, మంచిర్యాల, జగిత్యాల, జయష్ణకర్ భూపాలపల్లి, వరంగల్, హన్మకొండ సహా జిల్లాల్లో అతి భారీ వర్షాలు కురిసే అవకాశం ఉంది. సూర్యాపేట, నల్గొండ సిద్దిపేట, మహబూబాబాద్, మెదక్ జిల్లాల్లో భారీ వర్షాలు కురిసే అవకాశం ఉంది. భారీ గాలులతో కూడిన వర్షం కురుస్తుంది. సెప్టెంబరు 3న తెలంగాణ వ్యాప్తంగా ఇలాంటి పరిస్థితులు నెలకొనే అవకాశం ఉంది.