Kothagudem : భారీగా లొంగిపోయిన మావోయిస్టులు
భద్రాద్రి కొత్తగూడెం జిల్లాలో మార్చి 15 శనివారం దాదాపు 64 మంది మావోయిస్టులు పోలీసుల ముందు లొంగిపోయారు.
By Medi Samrat Published on 15 March 2025 7:32 PM IST
భద్రాద్రి కొత్తగూడెం జిల్లాలో మార్చి 15 శనివారం దాదాపు 64 మంది మావోయిస్టులు పోలీసుల ముందు లొంగిపోయారు. ఈ సభ్యులు కర్ణాటకలోని బీజాపూర్, ఛత్తీస్‌గఢ్‌లోని సుక్మా జిల్లాలకు చెందినవారు. మల్టీ జోన్-1 ఇన్‌స్పెక్టర్ జనరల్ ఆఫ్ పోలీస్ (IGP) చంద్రశేఖర్ రెడ్డి ప్రకారం.. గత మూడు నెలల్లో 122 మంది లొంగిపోయారు. లొంగిపోయిన 64 మంది మావోయిస్టులలో 48 మంది పురుషులు కాగా, 16 మంది మహిళలు. లొంగిపోయిన వారిలో ఒకరు ఏరియా కమిటీ సభ్యుడు (ACM). "లొంగిపోయిన మావోయిస్టు సభ్యులకు రూ. 25,000 నగదు బహుమతి ఉంది" అని ఐజీపీ చంద్రశేఖర్ రెడ్డి మీడియాకు తెలిపారు.
ఈ సంవత్సరం ఫిబ్రవరిలో, నిషేధించబడిన కమ్యూనిస్ట్ పార్టీ ఆఫ్ ఇండియా (మావోయిస్ట్)కి చెందిన తొమ్మిది మంది సభ్యులు ములుగు జిల్లాలో తెలంగాణ పోలీసులకు లొంగిపోయారు. లొంగిపోయిన మావోయిస్టులలో మడకం ఉంగా (32), మడకం ఇడిమి (23), పోడియం కోసా (32), సోడి జోగి (21), కుంజం ఇథే (20), సోడి భుద్ర (32), కుంజం కోసా (31), పోడియం ఇథే (18), కుంజం కోసా (30) ఉన్నారు.
"ఆపరేషన్ చేయూత" కార్యక్రమం ద్వారా లొంగిపోయిన మావోయిస్టులకు అందించే అభివృద్ధి, పునరావాస మద్దతుతో పాటు, గిరిజన వర్గాల కోసం పోలీసులు, CRPF చేపడుతున్న సంక్షేమ కార్యక్రమాల గురించి తెలుసుకున్న తర్వాత మావోయిస్టులు తమ ఆయుధాలను విడిచిపెట్టాలని నిర్ణయించుకున్నారని అధికారిక ప్రకటన తెలిపింది.
