ఆప్‌కు భారీ ఎదురుదెబ్బ.. 15 మంది కౌన్సిలర్లు రాజీనామా.. థర్డ్ ఫ్రంట్ ఏర్పాటు
ఆమ్ ఆద్మీ పార్టీకి (ఆప్) శనివారం ఎదురుదెబ్బ తగిలింది.
By Medi Samrat
ఆమ్ ఆద్మీ పార్టీకి (ఆప్) శనివారం ఎదురుదెబ్బ తగిలింది. కౌన్సిలర్ హేమచంద్ర గోయల్ నేతృత్వంలో శనివారం దాదాపు 15 మంది కౌన్సిలర్లతో సమావేశం నిర్వహించి పలు నిర్ణయాలు తీసుకున్నారు. కౌన్సిలర్లందరూ పార్టీకి రాజీనామా చేసి థర్డ్ ఫ్రంట్ ఏర్పాటు చేయాలని నిర్ణయించుకున్నారు.. ఆ థర్డ్ ఫ్రంట్ నాయకత్వాన్ని ముఖేష్ గోయల్ కు ఇవ్వాలని నిర్ణయించారు.
ప్రస్తుతం బీజేపీకి 117 మంది, ఆప్‌కి 113 మంది సభ్యులు ఉన్నారు. కాంగ్రెస్‌కు 8 మంది కౌన్సిలర్లు ఉన్నారు. ఈ 15 మంది కౌన్సిలర్లలో దినేష్ భరద్వాజ్, సుమన్ అనిల్ రాణా, ముఖేష్ గోయల్, హేమచంద్ర గోయల్ తదితరులు ఉన్నారు. ఈ కొత్త మూడవ ఫ్రంట్‌కు ఇంద్రప్రస్థ వికాస్ పార్టీ అని పేరు పెట్టారు.
సభా మాజీ నేత ముఖేష్ గోయల్ మాట్లాడుతూ.. ఎప్పుడూ పై నుంచి ఆదేశాలు వస్తుంటాయి. కింద ఏమీ వినిపించలేదు. నన్ను సభా నాయకుడిగా నియమించారు.. కానీ మా వద్ద ఎలాంటి సమాచారం ఉండ‌ద‌న్నారు.. నేను 2022లో ఆప్ టిక్కెట్‌పై ఎన్నికల్లో పోటీ చేశానని పేర్కొన్నారు. కార్పొరేషన్ అంటే అధికార వికేంద్రీకరణ అని హేమ్‌చంద్ గోయల్ అన్నారు, అయితే ఆప్ కేంద్ర స్థాయిలో ఒకరికి మాత్రమే అధికారం ఇచ్చిందన్నారు.
