చరిత్ర సృష్టించిన రోహిత్‌శర్మ

భారత్-దక్షిణాఫ్రికా జట్ల మధ్య వన్డే సిరీస్ ప్రారంభమైంది. రాంచీలో టాస్‌ ఓడిన భారత్‌ తొలుత బ్యాటింగ్‌ చేసే అవకాశం దక్కించుకుంది.

By -  Medi Samrat
Published on : 30 Nov 2025 4:17 PM IST

చరిత్ర సృష్టించిన రోహిత్‌శర్మ

భారత్-దక్షిణాఫ్రికా జట్ల మధ్య వన్డే సిరీస్ ప్రారంభమైంది. రాంచీలో టాస్‌ ఓడిన భారత్‌ తొలుత బ్యాటింగ్‌ చేసే అవకాశం దక్కించుకుంది. రాంచీలో దక్షిణాఫ్రికాపై భారత జట్టు మాజీ కెప్టెన్ రోహిత్ శర్మ బలమైన ఇన్నింగ్స్ ఆడి మూడు సిక్సర్లు కొట్టి పాకిస్థాన్ ఆటగాడు షాహిద్ అఫ్రిది ప్రపంచ రికార్డును బద్దలు కొట్టాడు.

టాస్ ఓడి తొలుత బ్యాటింగ్‌కు దిగిన భారత జట్టు వేగంగా శుభారంభం చేసింది. యశస్వి జైస్వాల్ 16 బంతుల్లో 18 పరుగులతో దూకుడుగా ఆడే ప్ర‌య‌త్నంలో అవుట‌య్యాడు. ఆ తర్వాత రోహిత్, కోహ్లిలు బాధ్యతలు చేపట్టారు. రోహిత్ జాగ్రత్తగా ఆడి 43వ బంతికి సింగిల్ తీసి అర్ధసెంచరీ పూర్తి చేసుకున్నాడు. అదే సమయంలో 20వ ఓవర్ నాలుగో బంతికి సిక్సర్ కొట్టి సరికొత్త ప్రపంచ రికార్డు సృష్టించాడు.

వన్డేల్లో అత్యధిక సిక్సర్లు బాదిన తొలి బ్యాట్స్‌మెన్‌గా రోహిత్ శర్మ నిలిచాడు. ఈ క్ర‌మంలోనే పాక్ మాజీ కెప్టెన్ షాహిద్ అఫ్రిదిని వెనక్కి నెట్టాడు. ఆఫ్రిది 351 సిక్సర్లు కొట్టాడు. వెస్టిండీస్‌కు చెందిన క్రిస్ గేల్ మూడో స్థానంలో ఉన్నాడు. అతని పేరు మీద 331 సిక్సర్లు నమోదయ్యాయి.

వన్డేల్లో అత్యధిక సిక్సర్లు కొట్టిన ఆట‌గాళ్లు..

1. 352* - రోహిత్ శర్మ

2. 351 - షాహిద్ అఫ్రిది

3. 331 - క్రిస్ గేల్

4. 270 - సనత్ జయసూర్య

5. 229 - ఎంఎస్ ధోని

ఈ మ్యాచ్‌లో కోహ్లీతో కలిసి రోహిత్ సెంచరీ భాగస్వామ్యాన్ని నెలకొల్పాడు. వీరిద్దరూ 109 బంతుల్లో 136 పరుగుల భాగస్వామ్యం నెలకొల్పారు. వీరిద్దరి మధ్య 20వ సారి సెంచరీ భాగస్వామ్యం నెలకొంది. ఈ భాగస్వామ్యం కారణంగా మ్యాచ్‌లో భారత్‌ గట్టి పట్టు సాధించింది.

Next Story