రాష్ట్రపతి ఎందుకు హాజరు కాకూడదు : ప్రధాని మోదీకి కమల్ ప్రశ్న
Why shouldn’t President attend inauguration of new parliament. మే 28 ఆదివారం నాడు ప్రధాని మోదీ కొత్త పార్లమెంటు భవనాన్ని ప్రారంభించనున్నారు.
By Medi Samrat Published on 27 May 2023 12:43 PM GMT
మే 28 ఆదివారం నాడు ప్రధాని మోదీ కొత్త పార్లమెంటు భవనాన్ని ప్రారంభించనున్నారు. ఈ ప్రారంభోత్సవ కార్యక్రమాన్ని విప‌క్షాలు బ‌హిష్క‌రించాయి. అయితే.. ఈ వేడుకకు మేము హాజరవుతామని సినీ నటుడు, రాజకీయ నాయకుడు, మక్కల్ నీది మయ్యం అధినేత కమల్ హాసన్ తెలిపారు. దేశ ప్రయోజనాల దృష్ట్యా ఈ కార్యక్రమానికి హాజరు కావాలని నిర్ణయించుకున్నామని కమల్ హాసన్ ట్వీట్ చేశారు. దేశం గర్వించే ఈ తరుణం రాజకీయంగా చిచ్చు రేపిందని కమల్ హాసన్ అన్నారు. మన కొత్త పార్లమెంటు ప్రారంభోత్సవానికి రాష్ట్రపతి ఎందుకు హాజరు కాకూడదో దయచేసి దేశానికి చెప్పండి అని నేను మన ప్రధానమంత్రిని సూటిగా ప్రశ్న అడుగుతున్నాను. ఈ చారిత్రాత్మక సందర్భంలో భారత రాష్ట్రపతి ఎందుకు భాగం కాకూడదో కారణం నాకు కనిపించడం లేదన్నారు. ప్రతిపక్ష పార్టీలు ఈ కార్య‌క్ర‌మంలో పాల్గొనకపోవడంపై నేను విభేదిస్తున్నాని అన్నారు. అసమ్మతి ఉన్నప్పటికీ, మేము ప్రారంభోత్సవ కార్యక్రమానికి హాజరవుతున్నామని తెలియ‌జేశారు.
