ఉగ్రవాదులకు టచ్ లో ఉన్న వారిని అరెస్టు చేసిన పోలీసులు

బందిపోర పోలీసులు రెండు టెర్రర్ మాడ్యూళ్లను ఛేదించారు. నిషేధిత సంస్థ లష్కరే తోయిబాకు చెందిన నలుగురు ఉగ్రవాద సహచరులను అరెస్టు చేశారు. నిందితులు బందిపోర జిల్లాలో ఉగ్రవాదుల కోసం లాజిస్టిక్స్ రవాణాను చేస్తున్నారని పోలీసులు తెలిపారు. నిర్దిష్ట ఇన్‌పుట్‌లను స్వీకరించిన తర్వాత, భద్రతా దళాలు బందిపోరాలోని అష్టాంగో ప్రాంతంలో ముగ్గురు తీవ్రవాద మద్దతుదారులను కనుగొన్నాయి. ముగ్గురిని ఇర్ఫాన్ అహ్మద్ భట్, సజాద్ అహ్మద్ మీర్, ఇర్ఫాన్ అహ్మద్ జాన్‌గా గుర్తించారు.

రఖ్ హజిన్‌లోని చెక్‌పోస్ట్ వద్ద భద్రతా బలగాలు ఒక టెర్రర్ అసోసియేట్ ను అరెస్టు చేశాయి. టెర్రర్ అసోసియేట్ ని ఇర్ఫాన్ అజీజ్ భట్‌గా గుర్తించారు. అతని వద్ద నుంచి చైనా గ్రెనేడ్‌ను కూడా స్వాధీనం చేసుకున్నారు. అజీజ్ భట్ పాకిస్థాన్‌కు చెందిన ఉగ్రవాది ఉమర్ లాలా, మరణించిన ఉగ్రవాది సలీమ్ పర్రేతో టచ్‌లో ఉన్నట్లు ఆరోపణలు వచ్చాయి. అజీజ్ భట్, పాకిస్థాన్‌లోని తన సహచరులతో కలిసి హజిన్ ప్రాంతంలో ఉగ్రదాడికి ప్లాన్ చేస్తున్నాడని పోలీసు అధికారులు ఆరోపించారు. రెండు కేసుల్లోనూ, అరెస్టయిన వ్యక్తులపై సంబంధిత చట్టాల సెక్షన్ల కింద బందిపోర, హజిన్ పోలీస్ స్టేషన్‌లలో కేసులు నమోదయ్యాయి. తదుపరి విచారణ జరుపుతున్నట్లు పోలీసులు తెలిపారు.