చొక్కాలు విప్పి.. 'ఎక్స్‌ప్రెస్ వే'పై ఓవరాక్షన్

నోయిడా-గ్రేటర్ నోయిడా ఎక్స్‌ప్రెస్‌వేపై కదులుతున్న ఆటోరిక్షా మీద నిలబడి ఇద్దరు వ్యక్తులు నిర్లక్ష్యంగా వెళుతున్న‌ వీడియో సోషల్ మీడియాలో వైరల్ అయింది. ఒక వ్యక్తి గులాబీ రంగు ఆటో పైన కూర్చుని ఉండగా, మరొకరు పక్క నుండి ప్రమాదకరంగా వేలాడుతూ కనిపించారు. వారిద్దరూ చొక్కా ధరించలేదు.

ఈద్ వేడుకల సమయంలో ఈ పని చేశారని భావిస్తున్నారు. ఈ స్టంట్ వారి ప్రాణాలను ప్రమాదంలో పడేయడమే కాకుండా ఇతర ప్రయాణికులకు కూడా ముప్పు తెచ్చిపెట్టింది. థానా సెక్టార్ 126 లోని సెక్టార్ 94 నుండి వచ్చిన ఈ క్లిప్ రోడ్డు భద్రత గురించి పలు ఆందోళనలను లేవనెత్తింది. వైరల్ వీడియోపై సంబంధిత అధికారులు ఇంకా స్పందించలేదు.