బీహార్ ఫలితాలపై శశి థరూర్ షాకింగ్ కామెంట్స్‌

బీహార్ అసెంబ్లీ ఎన్నికల ఓట్ల లెక్కింపు కొనసాగుతోంది. ట్రెండ్స్‌ ప్రకారం.. బీజేపీ నేతృత్వంలోని ఎన్డీఏ కూట‌మి మెజారిటీ గణాంకాల కంటే చాలా ముందుంది. మధ్యాహ్నం ఒంటి గంట వరకు ఉన్న ట్రెండ్స్ ప్రకారం.. ఎన్డీయే 199 స్థానాల్లో ఆధిక్యంలో ఉంది. అదే సమయంలో మహాకూటమి 38 స్థానాల్లో మాత్రమే ఆధిక్యంలో ఉంది. ఈ నేప‌థ్యంలోనే బీహార్ ఎన్నికల ఫలితాలపై కాంగ్రెస్ సీనియర్ ఎంపీ శశిథరూర్ ప్రకటన వెలువడింది. ఎన్నికల సంఘం నుంచి ఫలితాలు వెలువడే వరకు వేచి చూడాల్సిందేనని కాంగ్రెస్ ఎంపీ షాకింగ్ కామెంట్స్ చేశారు. ఎన్నికల్లో గెలుపు ఓటములు అనేక అంశాలపై ఆధారపడి ఉంటాయని ఆయ‌న‌ అన్నారు.

ప్రస్తుతానికి వారు (NDA) భారీ ఆధిక్యంలో ఉన్నారు. ఎన్నికల సంఘం ఫలితాలను ప్రకటించే వరకు వేచి ఉండాలి. కారణాలను వివరంగా అధ్యయనం చేయడం పార్టీ బాధ్యత అని నేను ఖచ్చితంగా అనుకుంటున్నాను. అయితే మేము కూటమిలో సీనియర్ భాగస్వాములం కాదని గుర్తుంచుకోండి. పార్టీ పనితీరుపై RJD కూడా దృష్టి పెట్టాలని శశిథరూర్ చెప్పారు. ఎన్నికల్లో విజయం లేదా ఓటమి విషయంలో.. మన పనితీరును పూర్తిగా చూడటం చాలా ముఖ్యం అని అన్నారు. అవి అనేక అంశాలపై ఆధారపడి ఉంటాయన్నారు.

ఎన్నికల ఫలితాల అనంతరం ప్రభుత్వం మహిళల కోసం అమలు చేస్తున్న పథకాలు ఎన్డీయే విజయంలో కీలకపాత్ర పోషించాయని కూడా చెబుతున్నారు. దీనిపై శశిథరూర్ మాట్లాడుతూ.. ప్రవర్తనా నియమావళి అమలుకు ముందు మహిళా ఓటర్లకు కచ్చితంగా కొన్ని ప్రోత్సాహకాలు ఇచ్చామన్నారు. మనకు ఇష్టం ఉన్నా లేకపోయినా మన చట్టం ప్రకారం అది చట్టబద్ధం. సమాజంలోని కొన్ని వర్గాలకు మేలు చేసేలా రాష్ట్ర ప్రభుత్వాలు ఇలాంటివి చేయడం మనం చూడటం ఇదే మొదటిసారి కాదని.. ఆ విష‌యంలో నేను భ‌య‌ప‌డుతున్నాన‌ని థరూర్ అన్నారు. ఇది ఆరోగ్యకరమైన సంప్రదాయమని నేననుకోవడం లేదని, అయితే మహారాష్ట్ర, బీహార్‌, ఇతర రాష్ట్రాల్లో ఇలాంటివి చూశామని థరూర్ అన్నారు.