Video : రాహుల్ గాంధీ అరెస్ట్‌
బీహార్‌లో ఎన్నికల కమిషన్‌కు వ్యతిరేకంగా లేవనెత్తిన నిరసన స్వరం ఇప్పుడు ఢిల్లీకి చేరింది.
By Medi Samrat
బీహార్‌లో ఎన్నికల కమిషన్‌కు వ్యతిరేకంగా లేవనెత్తిన నిరసన స్వరం ఇప్పుడు ఢిల్లీకి చేరింది. పార్లమెంట్ వర్షాకాల సమావేశాల్లో ప్రతిపక్షాలు ఎన్నికల కమిషన్‌కు వ్యతిరేకంగా నినాదాలు చేస్తూ రాజధాని వీధుల్లో కవాతు ప్రారంభించాయి. భారత కూటమికి సంబంధించిన ఈ మార్చ్ పార్లమెంట్ మకర్ గేట్ నుండి ఎన్నికల సంఘం కార్యాలయం వరకు జ‌రుగ‌నుంది. ఇందులో చాలా మంది పెద్ద ప్రతిపక్ష నాయకులు ఉన్నారు.
అయితే.. పాదయాత్ర చేస్తున్న కాంగ్రెస్ నాయకులు రాహుల్ గాంధీ, ప్రియాంక గాంధీలతో స‌హా ఆప్ నేత‌ల‌ను పోలీసులు అదుపులోకి తీసుకున్నారు. ఢిల్లీ పోలీసులు అదుపులోకి తీసుకున్న తర్వాత రాహుల్ గాంధీ ప్ర‌శ్న‌ల‌కు బ‌దులిస్తూ తాను మాట్లాడలేనని అన్నారు. నిజం దేశం ముందు ఉంది. ఇది రాజకీయ పోరాటం కాదు.. రాజ్యాంగ పోరాటం.. స్వచ్ఛమైన ఓటరు జాబితా కావాలని డిమాండ్ చేశారు.
విపక్షాల పాదయాత్రను దృష్టిలో ఉంచుకుని దారి పొడవునా భద్రతను పెంచారు. చాలా చోట్ల బారికేడింగ్‌లు కూడా ఏర్పాటు చేశారు. సమాజ్‌వాదీ పార్టీ అధ్యక్షుడు అఖిలేష్ యాదవ్ బారికేడింగ్‌పై నుంచి దూకిన వీడియో కూడా బయటకు వచ్చింది. పోలీసులు ఆయ‌న‌ను కూడా అదుపులోకి తీసుకున్నారు. ఢిల్లీ పోలీసు అధికారి దీపక్ పురోహిత్ ప్రకారం.. నిర్బంధించబడిన ప్రతిపక్ష నాయకులందరినీ సమీప పోలీసు స్టేషన్‌కు తరలించారు.
