ఆ ప్ర‌భుత్వం నన్ను కూడా కొట్టింది.. ఏడు రోజులు జైలు ఆహారం తిన్నాను : అమిత్ షా

కేంద్ర హోంమంత్రి అమిత్ షా శనివారం అస్సాం ప‌ర్య‌ట‌న‌కు వెళ్లారు. దేర్గావ్‌లోని లచిత్ బర్ఫుకాన్ పోలీస్ అకాడమీ ప్రారంభోత్సవ కార్యక్రమంలో హోంమంత్రి అమిత్ షా పాల్గొన్నారు. ఈ సందర్భంగా ఆయన బహిరంగ సభలో ప్రసంగించారు.

తన ప్రసంగంలో కేంద్ర హోం మంత్రి షా అస్సాం మాజీ ముఖ్యమంత్రిగా ఉన్న సమయంలో హితేశ్వర్ సైకియాను నిర్బంధించిన విషయాన్ని గుర్తు చేసుకున్నారు. ఆ సమయాన్ని ప్రస్తావిస్తూ.. అస్సాంలో కాంగ్రెస్ ప్రభుత్వ హయాంలో సైకియా కొట్టారని, ఆయ‌న‌ ఏడు రోజులు జైలు భోజనం చేశారని అమిత్ షా అన్నారు.

దేర్గావ్‌లోని లచిత్ బర్ఫుకాన్ పోలీస్ అకాడమీ ప్రారంభోత్సవ కార్యక్రమంలో షా మాట్లాడుతూ.. కాంగ్రెస్‌పై విరుచుకుపడ్డాడు. అస్సాంలో శాంతిని కాంగ్రెస్ అనుమతించలేదని అన్నారు. అస్సాంలోని కాంగ్రెస్ ప్రభుత్వం నన్ను కూడా కొట్టిందని కేంద్ర హోంమంత్రి అమిత్ షా అన్నారు.

హితేశ్వర్ సైకియా అస్సాం ముఖ్యమంత్రిగా ఉన్నారు. మేము మాజీ ప్రధాని ఇందిరా గాంధీకి వ్యతిరేకంగా 'అస్సాం కి గలియన్ సునీ హై.. ఇందిరా గాంధీ ఒక హంతకురాలు' అని నినాదాలు చేసేవాళ్లం. నేను కూడా అస్సాంలో ఏడు రోజులు జైలు ఆహారం తిన్నాను.. అస్సాంను రక్షించడానికి దేశం నలుమూలల నుండి ప్రజలు వచ్చారు. నేడు అసోం అభివృద్ధి పథంలో ముందుకు సాగుతోందన్నారు.

హితేశ్వర్ సైకియా 1983 నుండి 1985 వర‌కు.. మళ్లీ 1991 నుండి 1996 వరకు రెండుసార్లు అస్సాం ముఖ్యమంత్రిగా ఉన్నారు. వచ్చే ఐదేళ్లలో అసోంలోని లచిత్ బర్ఫుకాన్ పోలీస్ అకాడమీ దేశంలోనే అత్యున్నత పోలీసు అకాడమీగా అవతరిస్తుందని అమిత్ షా అన్నారు.

రానున్న ఐదేళ్లలో దేశంలోనే అత్యుత్తమ పోలీస్ అకాడమీగా ఈ పోలీస్ అకాడమీని తీర్చిదిద్దుతామని కేంద్ర హోంమంత్రి అమిత్ షా అన్నారు. దానికి లచిత్ బర్ఫుకాన్ పేరు పెట్టినందుకు అస్సాం ముఖ్యమంత్రి హిమంత బిస్వా శర్మకు ధన్యవాదాలు. ధైర్య యోధుడు లచిత్ బర్ఫుకాన్ అస్సాం మొఘల్‌లపై విజయం సాధించడంలో సహాయం చేశాడు. గ‌తంలో లచిత్ బర్ఫుకాన్‌ను అస్సాం రాష్ట్రానికి మాత్రమే పరిమితం చేశారు.. కానీ నేడు లచిత్ బర్ఫుకాన్ జీవిత చరిత్ర 23 భాషలలో బోధించబడుతోంద‌న్నారు.