మరోసారి వైరస్ కలకలం.. స్కూల్స్ ను మూసివేస్తూ నిర్ణయం

H3N2 వైరస్ వల్ల ఇన్ఫెక్షన్లు పెరుగుతూ ఉన్నాయి. ఈ కారణంగా పుదుచ్చేరిలో మార్చి 16 నుండి 10 రోజుల పాటు 1 నుండి 8 తరగతులకు పాఠశాలలను మూసివేశారు. ఇన్‌ఫ్లుఎంజా కేసుల సంఖ్య పెరగడంతో పాఠశాలలను మార్చి 10 నుంచి మార్చి 26 వరకు మూసివేస్తున్నట్లు పుదుచ్చేరి విద్యాశాఖ మంత్రి నమశ్శివాయం ప్రకటించారు. భారతదేశంలో H3N2 వైరస్ కేసులు వేగంగా పెరుగుతున్నాయి, ప్రజలు శ్వాసకోశ సమస్యలను ఎదుర్కొంటున్నారు. ఇది ఇన్‌ఫ్లుఎంజా A వైరస్ ఉప-రకం, ఇది గత కొన్ని రోజులుగా అధిక సంఖ్యలో వ్యాప్తి చెందుతూ ఉంది.

హెచ్3ఎన్2 వైరస్ తో మహారాష్ట్రలో ఓ మెడికల్ విద్యార్థి మరణించాడు. అహ్మదానగర్ లోని ఓ కళాశాలో మెడిసిన్ చదువుతున్న ఈ విద్యార్థి వారం రోజుల క్రితం ఫ్రెండ్స్ తో కలిసి కొంకణ్ లోని అలీబాగ్ కు విహారయాత్రకు వెళ్లాడు. అక్కడి నుంచి తిరిగి వచ్చినప్పటినుంచే అతను అనారోగ్యం పాలైనట్టు సమాచారం. పలు లక్షణాలతో ఆస్పత్రిలో చేరిన విద్యార్థి, పరీక్ష చేయించుకోగా కొవిడ్ తో పాటు హెచ్3ఎన్2 వైరస్ సోకినట్లు వైద్యులు నిర్థారించారు. దేశంలో H3N2 ఇన్ ఫ్లుయెంజా వైరస్ మరణాల సంఖ్య 9కి చేరుకుంది.

గత శుక్రవారం కేంద్ర ఆరోగ్య మంత్రిత్వ శాఖ పంచుకున్న డేటా ప్రకారం, జనవరి 2 మరియు మార్చి 5 మధ్య భారతదేశంలో 451 H3N2 వైరస్ కేసులు నమోదయ్యాయి. భారతదేశంలో మొదటి మరణం కర్ణాటకలోని హసన్ జిల్లాలో నమోదైంది, ఇక్కడ H3N2 వైరస్ కారణంగా 82 ఏళ్ల వ్యక్తి మరణించాడు. సోమవారం, గుజరాత్‌లో H3N2 ఇన్‌ఫ్లుఎంజా వైరస్‌తో మొదటి మరణం నమోదైంది.