10వ తరగతి పరీక్షల్లో అగ్రస్థానంలో నిలిచిన దినసరి కూలీ కూతురు
Daughter Of A Daily Wage Earner Tops Class 10 Exams In Madhya Pradesh. మధ్యప్రదేశ్‌కు చెందిన నాన్సీ దూబే అనే విద్యార్థిని పదో తరగతి పరీక్షల‌లో టాప్‌లో నిలిచి ఎందరికో
By Medi Samrat
మధ్యప్రదేశ్‌కు చెందిన నాన్సీ దూబే అనే విద్యార్థిని పదో తరగతి పరీక్షల‌లో టాప్‌లో నిలిచి ఎందరికో రోల్ మోడల్‌గా నిలిచింది. ఏప్రిల్ 29న విడుదలైన మధ్యప్రదేశ్‌ బోర్డు పరీక్షల్లో ఆమె 500 పాయింట్లకు 496 పాయింట్లు సాధించింది. ఇక్క‌డ నాన్సీ దూబే దినసరి కూలీ కూతురు కావడమే ప్రత్యేకత. ఆమె తండ్రికి కొద్దిపాటి సంపాదన ఉన్నప్పటికీ, అతను తన కుమార్తె చదువుకు ఆటంకం కలిగించలేదు. నాన్సీ దూబే.. ఛత్రపూర్ నివాసి.. తన ఇంటికి 6 కిలోమీటర్ల దూరంలో ఉన్న పాఠశాలకు ప్రతిరోజూ సైకిల్‌కు వెళ్లేది. నాన్సీ దూబే డాక్టర్ కావాలనుకుంటోంది. ఆమె విజయానికి ఆమె తల్లిదండ్రులు, అధ్యాప‌కులు మ‌ద్ద‌తు అందించారు. ఈ విష‌య‌మై ఆమె చాలా ఆనందంగా ఉంది.
ఇదిలావుంటే మధ్యప్రదేశ్‌ బోర్డు 12వ తరగతి ఆర్ట్స్ విబాగం విజేత ఇషితా దూబే.. 500కి 480 పాయింట్లు సాధించింది. ఆమె సాగర్ జిల్లాలోని రెహ్లీకి చెందిన రైతు కుమార్తె. ఇషిత రోజుకు 10 నుంచి 12 గంటలు చదువుకునేది. ఇషితా దూబే ఐఏఎస్‌ అధికారి కావాలని లక్ష్యంగా పెట్టుకుంది. అలాగే గణిత విద్యార్థిని ప్రగతి మిట్టల్ తన 12వ తరగతి పరీక్షల్లో 500కి 494 స్కోర్ చేసింది. ఈ పరీక్షల్లో అన్ని వర్గాల విద్యార్థులు పాల్గొనవచ్చు. 12వ తరగతి పరీక్షలో తొమ్మిది మంది బాలికలు అగ్రస్థానంలో ఉండగా.. 10వ తరగతిలో అత్యధికంగా స్కోర్ చేసిన 95 మందిలో 55 మంది బాలికలు ఉన్నారు. కాగా, ఈ ఏడాది 10వ తరగతి పరీక్షల‌లో 59.54 శాతం మంది విద్యార్థులు ఉత్తీర్ణత సాధించగా, 12వ తరగతి పరీక్షలో 72.72 శాతం మంది విద్యార్థులు ఉత్తీర్ణులయ్యారు.
