అక్టోబరు 15న కాంగ్రెస్ అభ్యర్థుల తొలి జాబితా ప్ర‌క‌ట‌న

ఛత్తీస్‌గఢ్‌లో కాంగ్రెస్ అభ్యర్థుల జాబితాపై ఊహాగానాలు కొనసాగుతున్నాయి. ఈ నేపథ్యంలో ఢిల్లీలో జరగనున్న కాంగ్రెస్ వర్కింగ్ కమిటీ సమావేశానికి బయలుదేరే ముందు విమానాశ్రయంలో కాంగ్రెస్ అభ్యర్థుల తొలి జాబితా ప్ర‌క‌ట‌న‌పై సీఎం భూపేష్ బఘేల్ స్పందించారు. విలేఖరులతో మాట్లాడుతూ.. అసెంబ్లీ ఎన్నికలకు కాంగ్రెస్ అభ్యర్థుల తొలి జాబితాను అక్టోబర్ 15న విడుదల చేస్తామని సీఎం చెప్పారు. అక్టోబరు 15న తొలి జాబితా వస్తుందని భావిస్తున్నామని సీఎం అన్నారు.

బీజేపీ తన మొదటి జాబితాలో 21 మంది, రెండవ జాబితాలో 64 మంది.. మొత్తం 85 స్థానాలకు పేర్లను ప్రకటించింది. ప్రస్తుతం ఐదు స్థానాలకు సంబంధించి పార్టీలో చర్చలు జరుగుతున్నాయి.

ఈ సందర్భంగా సీఎం బఘేల్ బీజేపీపై విరుచుకుపడ్డారు.. కేడర్ బేస్డ్ పార్టీ అని బీజేపీ చెబుతోందని అన్నారు. కేడర్‌ను దుర్వినియోగం చేస్తున్నారు. కేడర్ మాట విని ఉంటే 15 ఏళ్లు అధికారంలో ఉండి 15 సీట్లు వచ్చేవి కావు.

ఛత్తీస్‌గఢ్‌తో సహా ఐదు రాష్ట్రాల్లో అసెంబ్లీ ఎన్నికల తేదీలు ప్రకటించబడ్డాయి. రాష్ట్రంలో రెండు దశల్లో ఓటింగ్ జరగనుంది. మొదటి దశలో 7న, రెండో దశలో నవంబర్ 17న ఓటింగ్ జరగనుంది. తొలి దశలో 20 స్థానాలకు, రెండో దశలో మిగిలిన 70 స్థానాలకు ఓటింగ్‌ నిర్వహించి. డిసెంబర్‌ 3న ఫలితాలు వెల్లడిస్తారు.