మెగా పవర్ స్టార్ రామ్‌చరణ్‌కు కరోనా పాజిటివ్

క‌రోనా వైర‌స్ ఎవ్వ‌రిని వ‌ద‌ల‌డం లేదు. చిన్నా-పెద్దా, పేదా-ధనిక అన్న తేడాలు లేకుండా అంద‌రూ ఈ మ‌హమ్మారి బారిన ప‌డుతున్నారు. ఇప్ప‌టికే చాలా సినీ ప్ర‌ముఖులు ఈ మ‌హ‌మ్మారి బారిన ప‌డి కోలుకున్నారు. తాజాగా మెగా పవర్ స్టార్‌ రామ్‌ చరణ్‌కు కరోనా పాజిటివ్ అని తేలింది.

ఈ విషయాన్ని రామ్‌చరణ్ స్వయంగా ప్రకటించాడు. 'కరోనా టెస్ట్ చేయించుకోగా వైద్యులు పాజిటివ్ అని ధృవీకరించారు. ఎలాంటి లక్షణాలైతే లేవు. ప్రస్తుతం క్వారంటైన్‌లో ఉన్నాను. త్వరలోనే కోలుకుంటాను. మరింత బలవంతుడనై వస్తాను అంటూ రామ్ చరణ్ ఒక ప్రకటన విడుదల చేశాడు.