లోన్‌ ఇవ్వలేదని.. మనస్తాపానికి గురై.. బ్యాంక్‌కు నిప్పు

Denied loan, man sets bank on fire Karnataka. బ్యాంక్‌ లోన్‌ ఇవ్వలేదని మనస్తాపానికి గురైన ఓ వ్యక్తి.. బ్యాంక్‌లో పెట్రోల్ పోసి నిప్పంటించుకున్న సంఘటన కర్ణాటక రాష్ట్రంలోని హావేరి జిల్లా బైడ్గి

By అంజి  Published on  10 Jan 2022 3:12 AM GMT
లోన్‌ ఇవ్వలేదని.. మనస్తాపానికి గురై.. బ్యాంక్‌కు నిప్పు

బ్యాంక్‌ లోన్‌ ఇవ్వలేదని మనస్తాపానికి గురైన ఓ వ్యక్తి.. బ్యాంక్‌లో పెట్రోల్ పోసి నిప్పంటించుకున్న సంఘటన కర్ణాటక రాష్ట్రంలోని హావేరి జిల్లా బైడ్గి తాలూకాలోని హెడిగొండ గ్రామంలో శనివారం అర్థరాత్రి జరిగింది. జిల్లాలోని రట్టిహళ్లి పట్టణానికి చెందిన వాసిం హజారత్‌సాబ్ ముల్లా (33) కాగినెల్ పోలీస్ పరిధిలోని హెడిగొండలో ఉన్న కెనరా బ్యాంక్ బ్రాంచ్ నుండి లోన్‌ కోసం దరఖాస్తు చేసుకున్నట్లు సంబంధిత వర్గాలు తెలిపాయి. అతను తక్కువ సిబిల్‌ స్కోర్‌ను కలిగి ఉన్నందున, బ్యాంక్ అతని రుణ దరఖాస్తును ఇటీవల తిరస్కరించింది.

తిరస్కరణతో మనస్తాపానికి గురైన ముల్లా శనివారం రాత్రి బ్యాంకు వద్దకు వచ్చి కిటికీ పగలగొట్టి బంకులో పెట్రోల్ పోసి నిప్పంటించాడు. పొగను గమనించిన బాటసారులు పోలీసులకు, అగ్నిమాపక సిబ్బందికి సమాచారం అందించారు. ముల్లా గ్రామం నుంచి పారిపోయేందుకు ప్రయత్నించగా వారు కూడా పట్టుకున్నారు. హవేరి నుంచి అగ్నిమాపక సిబ్బంది గ్రామానికి చేరుకుని మంటలను అదుపు చేశారు. రూ.12 లక్షల విలువైన క్యాష్ కౌంటర్, క్యాబిన్, సీసీటీవీలు, ఐదు కంప్యూటర్లు, పాస్‌బుక్ ప్రింటర్, స్కానర్, క్యాష్ కౌంటింగ్ మిషన్, ఫ్యాన్లు, లైట్లు, డాక్యుమెంట్లు, ఫర్నీచర్ దగ్ధమైనట్లు పోలీసులు తెలిపారు. నిందితుడిని అదుపులోకి తీసుకుని.. పోలీసులు కేసు దర్యాప్తు చేస్తున్నారు.

Next Story
Share it