బుర్ఖా ధరించి ప్రియురాలిని ఇంటి పైకప్పు నుంచి తోసి చంపిన ప్రియుడు

ఈశాన్య ఢిల్లీలోని అశోక్ నగర్‌లో 19 ఏళ్ల యువ‌తిని బుర్ఖా ధరించిన 26 ఏళ్ల వ్యక్తి ఇంటి పైకప్పు నుంచి తోసి చంపాడని పోలీసులు తెలిపారు. బాధితురాలు నేహాను చంపిన ఆరోపణపై తౌఫీక్ ను అరెస్టు చేశారు. బాధితురాలు, నిందితుడు తౌఫీక్ మధ్య ప్రేమ వ్యవహారం ఉందని, తౌఫీక్ వేరే మహిళను వివాహం చేసుకుంటున్నందున ఇద్దరి మధ్య వివాదం నడుస్తోందని పోలీసు వర్గాలు తెలిపాయి.

సోమవారం జ్యోతి నగర్ ప్రాంతంలో ఈ సంఘటన జరిగింది. ఉత్తరప్రదేశ్‌లోని రాంపూర్‌కు చెందిన తౌఫీక్ అనే వ్యక్తి బుర్ఖా ధరించి ఐదవ అంతస్తులోని నేహా ఇంటికి వచ్చినప్పుడు వారి మధ్య వాగ్వాదం జరిగిందని పోలీసులు తెలిపారు. సోమవారం ఉదయం 8.30 గంటలకు ఒక అమ్మాయి ఇంటి పైకప్పు నుండి పడిపోయినట్లు పోలీసులకు సమాచారం అందింది. సంఘటనా స్థలానికి చేరుకున్న పోలీసు బృందం, ఆమె తండ్రి నేహాను చికిత్స కోసం GTB ఆసుపత్రికి తరలించారు. అయితే ఆమె అప్పటికే మరణించిందని వైద్యులు ధ్రువీకరించారు.