మరోసారి తెలంగాణకు రానున్న ప్రధాని మోదీ

భారత ప్రధాని నరేంద్రమోదీ మరోసారి తెలంగాణకు రానున్నారు. ఎల్బీ స్టేడియంలో జరిగిన బీసీ ఆత్మగౌరవ సభలో ఇటీవలే ఆయన పాల్గొన్నారు. నాలుగు రోజుల్లోనే మళ్లీ హైదరాబాద్‌లో పర్యటించనున్నారు. ఈ నెల 11వ తేదీన ప్రత్యేక విమానంలో బేగంపేట విమానాశ్రయానికి చేరుకుంటారు. సికింద్రాబాద్ పరేడ్ మైదానంలో నిర్వహించే మాదిగల విశ్వరూప బహిరంగ సభలో పాల్గొంటారు.

నవంబర్ 11న సాయంత్రం గం.4.45 నిమిషాలకు మోదీ బేగంపేట విమానాశ్రయం చేరుకుంటారు. 5 గంటలకు రోడ్డు మార్గంలో పరేడ్ మైదానంకు చేరుకుంటారు. 5 నుంచి 5.45 వరకు పరేడ్ మైదానంలో సభలో ఆయన ప్రసంగిస్తారు. 5.55 నిమిషాలకు తిరిగి బేగంపేట విమానాశ్రయానికి చేరుకొని, 6 గంటలకు బేగంపేట నుంచి ఢిల్లీకి చేరుకుంటారు. వారం వ్యవధిలో రెండు సార్లు ప్రధాని మోదీ హైదరాబాద్ కు రావడం విశేషం. ఎల్బీ స్టేడియంలో జరిగిన బీసీ ఆత్మగౌరవ సభలో మాట్లాడిన ప్రధాని మోదీ బీఆర్ఎస్ ప్రభుత్వంపై విరుచుకుపడిన సంగతి తెలిసిందే.!