కుమార్తెల ఫీజుల కోసమే లైవ్ స్ట్రీమింగ్‌లో అలాంటి పనులు చేశాం
మొబైల్ యాప్‌లో తమ లైంగిక చర్యలను లైవ్ స్ట్రీమింగ్ చేసినందుకు హైదరాబాద్ కు చెందిన జంటను పోలీసులు అదుపులోకి తీసుకున్నారు.
By Medi Samrat
మొబైల్ యాప్‌లో తమ లైంగిక చర్యలను లైవ్ స్ట్రీమింగ్ చేసినందుకు హైదరాబాద్ కు చెందిన జంటను పోలీసులు అదుపులోకి తీసుకున్నారు. అయితే తమకు ఆర్థిక ఇబ్బందులు ఉన్నాయని, సులభంగా డబ్బు సంపాదించడానికి ఇలాంటి చర్యలకు పాల్పడుతున్నారని పోలీసుల విచారణలో తేలింది. ఆ జంటకు ఇద్దరు కుమార్తెలు ఉన్నారు. కళాశాల ఫీజులు చెల్లించలేకపోయారు. వారిలో ఒకరు బి.టెక్ రెండవ సంవత్సరం చదువుతుండగా, మరొకరు ఇటీవల ఇంటర్మీడియట్ పరీక్షలో మంచి మార్కులు సాధించి కళాశాలలో చేరడానికి సిద్ధమవుతోంది. అంతేకాకుండా, ఆటో డ్రైవర్ అయిన ఆ వ్యక్తి అనారోగ్యంతో బాధపడుతున్నాడని, వైద్య ఖర్చులు భరించలేకపోతున్నాడని పోలీసులు తెలిపారు. గురువారం అంబర్‌పేటలోని మల్లికార్జున నగర్ నుండి ఆ వ్యక్తిని, స్త్రీని అరెస్టు చేశారు. వారి ఇంటి నుండి హై డెఫినిషన్ కెమెరాలతో సహా అనేక పరికరాలను స్వాధీనం చేసుకున్నారు.
ఆన్ లైన్ లో వీడియోలను అప్లోడ్ చేస్తున్న జంటను అంబర్‌పేట్‌లో టాస్క్‌పోర్స్‌ పోలీసులు అరెస్ట్‌ చేశారు. ఆన్‌లైన్‌లో తమ న్యూడ్‌ వీడియోలను దంపతులు స్ట్రీమింగ్ చేస్తున్నట్లు గుర్తించారు. డబ్బులు ఇచ్చిన వారికి స్ట్రీమింగ్ లింకులు, వీడియోలు పంపుతున్నారు. దంపతుల నుంచి కెమెరా, లైవ్ లింక్‌ పరికాలను పోలీసులు స్వాధీనం చేసుకున్నారు. లైవ్ లింకుకు 2000 రూపాయలు, వీడియో చూడడానికి 500 రూపాయలు వసూలు చేస్తున్నారని తేలింది.
