సన్‌రైజర్స్‌ హైదరాబాద్ కీల‌క నిర్ణ‌యం.. టామ్ మూడీకి ఉద్వాస‌న‌..కొత్త కోచ్ ఎవ‌రంటే..?

West Indies legend Brian Lara appointed head coach of Sunrisers Hyderabad.స‌న్‌రైజ‌ర్స్ హైద‌రాబాద్ కీల‌క నిర్ణ‌యం తీసుకుంది

By తోట‌ వంశీ కుమార్‌  Published on  3 Sep 2022 8:56 AM GMT
సన్‌రైజర్స్‌ హైదరాబాద్ కీల‌క నిర్ణ‌యం.. టామ్ మూడీకి ఉద్వాస‌న‌..కొత్త కోచ్ ఎవ‌రంటే..?

ఇండియ‌న్ ప్రీమియ‌ర్ లీగ్‌(ఐపీఎల్‌) 2023 సీజ‌న్‌కు ముందు స‌న్‌రైజ‌ర్స్ హైద‌రాబాద్ కీల‌క నిర్ణ‌యం తీసుకుంది. ఆస్ట్రేలియా దిగ్గజం టామ్ మూడీని హెడ్ కోచ్ బాధ్య‌త‌ల నుంచి త‌ప్పించింది. అత‌డి స్థానంలో వెస్టిండీస్ దిగ్గ‌జ ఆట‌గాడు బ్రియాన్ లారాను నియ‌మించింది. ఈ విష‌యాన్ని సోష‌ల్ మీడియా వేదిక‌గా వెల్ల‌డించింది.

క్రికెట్ లెజెండ్ బ్రియాన్ లారా రాబోయే ఐపీఎల్‌ సీజన్‌లకు మా జట్టు ప్రధాన కోచ్‌గా పనిచేయనున్నారు అని స‌న్‌రైజ‌ర్ ట్వీట్ చేసింది. కాగా.. గ‌త సీజ‌న్(ఐపీఎల్ 2022) నుంచి బ్రియాన్ లారా స‌న్‌రైజర్స్‌ బ్యాటింగ్ కోచ్, వ్యూహాత్మక సలహాదారుగా ఉండ‌గా.. ప్ర‌స్తుతం అత‌డిని హెచ్‌కోచ్‌గా నియ‌మించింది. ఐపీఎల్ 2022 సీజ‌న్‌లో స‌న్ రైజ‌ర్స్ దారుణంగా విఫ‌ల‌మైంది. 14 మ్యాచ్‌లు ఆడ‌గా..కేవ‌లం 6 మ్యాచుల్లో విజ‌యం సాధించి పాయింట్ల ప‌ట్టిక‌లో ఎనిమిదో స్థానంలో నిలిచింది.

2013 నుంచి 2019 వ‌ర‌కు టాప్ మూడీ స‌న్ రైజ‌ర్స్ హైద‌రాబాద్ ప్ర‌ధాన కోచ్‌గా ఉన్నాడు. అత‌డు కోచ్‌గా ఉన్న స‌మ‌యంలోనే హైద‌రాబాద్ అద్భుతంగా ఆడింది. 2016లో స‌న్‌రైజ‌ర్స్ తొలిసారి ఐపీఎల్ టైటిట్‌ను ముద్దాడింది. 2020,2021లో మూడీ హైద‌రాబాద్ ప్రాంఛైజీకి డైరెక్ట‌ర్‌గా వ్య‌వ‌హ‌రించారు. గ‌త సీజ‌న్‌లో ల‌క్ష్మ‌ణ్ స్థానంలో తిరిగి మూడీ ప్ర‌ధాన కోచ్‌గా బాధ్య‌త‌లు చేప‌ట్టాడు.

Next Story
Share it