రెజ్లర్ సుశీల్ కుమార్‌కు మళ్లీ కష్టాలు.. బెయిల్ రద్దు చేసిన 'సుప్రీం'

జూనియర్ రెజ్లర్ సాగర్ ధంకర్ హత్య కేసులో ఒలింపిక్ పతక విజేత సుశీల్ కుమార్‌కు మళ్లీ కష్టాలు మొదలయ్యాయి. ఛత్రసాల్ స్టేడియంలో జ‌ర‌గిన ఈ హత్య కేసులో సుశీల్ కుమార్ బెయిల్‌ను సుప్రీంకోర్టు రద్దు చేసింది. రెజ్లర్‌కు బెయిల్ మంజూరు చేస్తూ మార్చి 4న ఢిల్లీ హైకోర్టు ఇచ్చిన ఉత్తర్వులను జస్టిస్ సంజయ్ కరోల్, జస్టిస్ ప్రశాంత్ కుమార్ మిశ్రాలతో కూడిన ధర్మాసనం రద్దు చేసింది. అలాగే వారం రోజుల్లోగా సుశీల్ కుమార్ లొంగిపోవాలని ఆదేశించింది.

రెజ్లర్ సుశీల్ కుమార్‌తో సహా ముగ్గురు వ్యక్తులు సాగర్ ధన్‌కర్‌పై ఆస్తి తగాదా విష‌యంలో హత్యాయత్నానికి పాల్పడ్డారని ఆరోపణలు వచ్చాయి. ఈ దాడిలో ధంఖర్ ఇద్దరు స్నేహితులు కూడా గాయపడ్డారు. పోస్టుమార్టం నివేదిక ప్రకారం సాగర్ ధనకర్.. తలపై బరువైన వస్తువుతో దాడి చేశారు.

లోపభూయిష్టమైన ఉత్తర్వు కారణంగానే ఈరోజు సుశీల్ కుమార్‌కు ఇచ్చిన బెయిల్‌ను రద్దు చేశార‌ని, అందుకే మృతుడి తండ్రి అశోక్ ధంఖర్ విజ్ఞప్తి మేరకు ఈరోజు హైకోర్టు ఉత్తర్వులను రద్దు చేసినట్లు ఫిర్యాదుదారు తరపు న్యాయవాది జోషిని తులి తెలిపారు. తప్పుడు ఉత్తర్వు అనే కారణంతో మేము ఆ ఆర్డర్‌ను సవాలు చేశామని చెప్పారు.

ఇది సరైన నిర్ణ‌యం కాదు.. ఎందుకంటే సుశీల్ కుమార్ మధ్యంతర బెయిల్ మంజూరు చేయబడినప్పుడల్లా సాక్షులను తారుమారు చేసాడు.. కీలక సాక్షి కేసుకు మద్దతు ఇచ్చాడు.. సంఘటన యొక్క వీడియో ఫుటేజీ కూడా అందుబాటులో ఉంది.. అందుకే మా అప్పీల్ ఈ రోజు అంగీకరించబడిందని పేర్కొంది.

సుశీల్ కుమార్ మధ్యంతర బెయిల్‌పై బయటకు వచ్చినప్పుడల్లా గాయపడిన సాక్షులతో సహా ప్రభుత్వ సాక్షులందరినీ తారుమారు చేశాడని, అందుకే వారంతా ట్రయల్ కోర్టు ముందు ఇచ్చిన వాంగ్మూలాలకు వ్యతిరేకంగా మారారని, విచారణ ఇంకా కొనసాగుతోందని న్యాయవాది చెప్పారు. కింది కోర్టులో ఇంకా చాలా మంది ప్రభుత్వ సాక్షులను విచారించాల్సి ఉందని వెల్ల‌డించింది.