కెప్టెన్‌గా బుమ్రా.. టీ20 సిరీస్ కోసం ఐర్లాండ్ చేరుకున్న టీమిండియా
మూడు టీ20ల సిరీస్ కోసం జస్ప్రీత్ బుమ్రా నేతృత్వంలోని టీమిండియా మంగళవారం ఐర్లాండ్ పర్యటనకు బయలుదేరింది.
By Medi Samrat Published on 15 Aug 2023 1:49 PM GMT
మూడు టీ20ల సిరీస్ కోసం జస్ప్రీత్ బుమ్రా నేతృత్వంలోని టీమిండియా మంగళవారం ఐర్లాండ్ పర్యటనకు బయలుదేరింది. మూడు మ్యాచ్‌ల టీ20 సిరీస్ ఆగస్టు 18న డబ్లిన్‌లోని మలాహిడ్‌లో ప్రారంభమవుతుంది. సిరీస్‌లోని మిగిలిన రెండు మ్యాచ్‌లు ఆగస్టు 20 , 23 తేదీల్లో ఇదే వేదికపై జరుగుతాయి.
బీసీసీఐ ట్విట్టర్‌లో టీమ్ ఇండియా కొన్ని ఫోటోల‌ను పంచుకుంది. ఫోటోల‌లో బుమ్రా, రుతురాజ్ గైక్వాడ్, ప్రసిద్ధ కృష్ణ, రింకూ సింగ్, శివమ్ దూబే ఉన్నారు. టీమిండియా ఆట‌గాళ్లు ఐర్లాండ్‌కు చేరుకున్నారని క్యాప్షన్‌లో రాసింది. బుమ్రా తిరిగి జట్టులోకి రావడంపై అభిమానులు ఆనందాన్ని వ్యక్తం చేస్తున్నారు. ఈ సిరీస్‌కు జస్ప్రీత్ బుమ్రా టీమ్ ఇండియా కెప్టెన్‌గా వ్య‌వ‌హ‌రించ‌నున్నాడు.ఈ సిరీస్‌తో దీర్ఘకాలిక గాయం కారణంగా ఆట‌కు దూరంగా ఉన్న జస్ప్రీత్ బుమ్రా పునరాగమనం చేస్తున్నాడు. బుమ్రా సెప్టెంబర్ 2022 నుండి అంతర్జాతీయ క్రికెట్‌కు దూరంగా ఉన్నాడు.
భారత జట్టు :
జస్ప్రీత్ బుమ్రా (కెప్టెన్), రుతురాజ్ గైక్వాడ్, యశస్వి జైస్వాల్, తిలక్ వర్మ, రింకూ సింగ్, వాషింగ్టన్ సుందర్, శివమ్ దూబే, షాబాజ్ అహ్మద్, సంజు శాంసన్, జితేష్ శర్మ, రవి బిష్ణోయ్, ప్రముఖ కృష్ణ, అర్ష్దీప్ సింగ్, ముఖేష్ కుమార్, అవేష్ ఖాన్
