సూర్యకుమార్ యాదవ్‌లోని ఆ ప్రత్యేకతే భారత్‌ను ఆసియా క‌ప్ ఛాంపియన్‌గా నిలుపుతుంది

భారత మాజీ ఓపెనర్ వీరేంద్ర సెహ్వాగ్ మాట్లాడుతూ.. సూర్యకుమార్ యాదవ్ నిర్భయమైన‌ నాయకత్వంలో ప్రస్తుత టీ20 అంతర్జాతీయ జట్టు రాబోయే ఆసియా కప్‌ను గెలుచుకోగలదని అన్నాడు. ఈ కాంటినెంటల్ టోర్నమెంట్ యునైటెడ్ అరబ్ ఎమిరేట్స్‌లో సెప్టెంబర్ 9 నుండి 28 వరకు జరుగుతుంది. 2016లో జరిగిన ఈ టీ20 ఫార్మాట్‌లో తొలి ఎడిషన్‌ను గెలుచుకున్న భారత జట్టు.. సంప్రదాయ ప్రత్యర్థులు పాకిస్థాన్, ఒమన్, ఆతిథ్య యునైటెడ్ అరబ్ ఎమిరేట్స్‌తో కలిసి గ్రూప్-ఎలో చోటు దక్కించుకుంది.

టోర్నమెంట్ బ్రాడ్‌కాస్టర్ సోనీ స్పోర్ట్స్ నెట్‌వర్క్ యొక్క రాగ్ రాగ్ మే భారత్ క్యాంపెయిన్‌లో పాల్గొన్న సెహ్వాగ్ మాట్లాడుతూ.. ప్ర‌స్తుత‌ భారత జట్టుకు సరైన యువ, అనుభవజ్ఞులైన ఆటగాళ్ల కలయిక ఉందని సూర్యకుమార్ నాయకత్వంలో జట్టు మరోసారి ఆసియాలో ఆధిపత్యం చెలాయిస్తుంది. టీ20 ఫార్మాట్‌కు అతని దూకుడు మనస్తత్వం ఖచ్చితంగా సరిపోతుందని, అదే ఉద్దేశ్యంతో జట్టు ఆడితే భారత్ ట్రోఫీని గెలుచుకోవడంలో సందేహం లేదని సెహ్వాగ్ అన్నాడు. ఈ (రాగ్ రాగ్ మే భారత్) ప్రచారం భారత క్రికెట్ హృదయ స్పందనను అందంగా సజీవంగా తీసుకువస్తుందని ఆయన అన్నారు. మీరు దేశంలోని ఏ ప్రాంతానికి చెందిన వారైనా భార‌త్‌ ఆడినప్పుడు భావోద్వేగాలు మమ్మల్ని ఏకం చేస్తాయి. నేను ఇందులో కూడా అదే అభిరుచిని అనుభవించగలను. ఈ అనుబంధమే క్రికెట్‌ను శక్తివంతం చేస్తుంది.

అజిత్ అగార్కర్ నేతృత్వంలోని సీనియర్ సెలక్షన్ కమిటీ మంగళవారం ఆసియా కప్‌కు జట్టును ప్రకటించింది. శుభ్‌మన్ గిల్ తిరిగి జట్టులోకి వచ్చి వైస్ కెప్టెన్‌గా ఎంపికయ్యాడు. అయితే ఈ నిర్ణయం విమర్శలకు గురవుతోంది.. గిల్‌కు బదులుగా శ్రేయాస్ అయ్యర్, యశస్వి జైస్వాల్‌లను జట్టులోకి తీసుకుని ఉండాల్సిందని పలువురు మాజీ ఆటగాళ్ళు భావిస్తున్నారు.