ఫైర్ పానీ పూరీ.. ఇదెక్కడి కొత్త టేస్ట్ అంటూ..!

ఫైర్ పాన్.. అదేనండి నిప్పుతో ఉన్న పాన్ ను నోట్లోకి వేసుకుంటూ ఉంటారు చూడండి..! ఆ పాన్ కు సంబంధించిన వీడియోలు సోషల్ మీడియాలో విపరీతంగా వైరల్ అయ్యాయి. తాజాగా 'ఫైర్ పానీ పూరీ' కి సంబంధించిన వీడియో వైరల్ అవుతూ ఉంది. ఇప్పుడు 'ఫైర్ పానీ పూరీ' ప్రస్తుతం వార్తల్లో ఉంది. ఇది మరింతగా ప్రజల దృష్టిని ఆకర్షించింది. ఈ వీడియోలో యువత పానీ పూరీలో నిప్పును ఉంచి తింటూ ఉండడం చూడొచ్చు. మీరు ఈ వీడియో క్లిప్‌ను కొన్ని సెకన్లలో మాత్రమే చూడగలరు. ఈ వీడియోలో రోడ్డు పక్కన ఓ అమ్మాయి నిల్చుని చూడొచ్చు. కాగా దుకాణదారుడు లైటర్లతో పానీపూరీకి నిప్పంటిస్తున్నాడు.

ఆ తర్వాత నేరుగా అమ్మాయి నోటిలోకి 'ఫైర్ పానీ పూరీ' పెట్టాడు. ఈ వీడియో చూస్తున్న వారు ఆశ్చర్యపోతున్నారు. ఈ 'ఫైర్ పానీపూరీ' సోషల్ మీడియాలో భయాందోళనలను సృష్టింస్తోంది. కాగా, ఈ వీడియోను ఇన్‌స్టాగ్రామ్‌లో 'ఫుడీకృ' అనే ఖాతాతో షేర్ చేశారు. ఈ వీడియో నవంబర్ 26న అప్‌లోడ్ చేయబడింది. ఇప్పటివరకు దీనిని 9 వేల 800 మందికి పైగా లైక్ చేసారు. ఈ వీడియో చూసిన వారంతా పలు రకాలుగా కామెంట్స్ చేస్తున్నారు. కొంతమంది దీనిని ప్రయత్నించాలని కోరుకుంటున్నారు. మరికొందరు దీనిని చూసి ఆశ్చర్యపోతారు. చాలా మంది వినియోగదారులు తమ తలలను పట్టుకున్నారు. ఇదెక్కడి కొత్త అన్వేషణ అనుకుంటూ ఉన్నారు.