వైరల్ వీడియో : జుట్టు పట్టుకుని కొట్టుకున్న మహిళా ఆరోగ్య కార్యకర్తలు.. కారణం ఏమిటంటే..
2 Health Workers Fight Over rs.500 In Bihar. బీహార్‌లోని జముయి జిల్లాకు చెందిన ఇద్దరు ఆరోగ్య కార్యకర్తలు ఒకరినొకరు తిట్టుకుంటూ
By Medi Samrat Published on 24 Jan 2022 6:41 AM GMT
బీహార్‌లోని జముయి జిల్లాకు చెందిన ఇద్దరు ఆరోగ్య కార్యకర్తలు ఒకరినొకరు తిట్టుకుంటూ, కొట్టుకున్న వీడియో ఆన్‌లైన్‌లో వైరల్ అవ్వడంతో దర్యాప్తు ప్రారంభించినట్లు అధికారులు తెలిపారు. జముయిలోని లక్ష్మీపూర్ బ్లాక్‌లోని ఒక ప్రాథమిక ఆరోగ్య కేంద్రంలో ఈ ఘటన చోటు చేసుకుంది. ఇద్దరు మహిళా ఆరోగ్య కార్యకర్తలు ఒకరి జుట్టు మరొకరు పట్టుకుని లాగడం కనిపించింది.. ఒక వ్యక్తి జోక్యం చేసుకుని వారిని ఆపడానికి ప్రయత్నించాడు. అయితే ఇద్దరూ చేతులు, చెప్పులతో కొట్టుకునే ప్రయత్నం చేస్తూనే ఉన్నారు.
ఆశా వర్కర్ రింటూ కుమారి BCG వ్యాక్సిన్ షాట్ (శిశువులలో క్షయవ్యాధిని నివారించడానికి ఉపయోగించబడుతుంది) కోసం ఆక్సిలరీ నర్సు మిడ్‌వైఫ్ (ANM) రంజన కుమారి వద్దకు నవజాత శిశువును తీసుకెళ్లిన తర్వాత ఈ గొడవ జరిగింది. ANM కార్యకర్త వ్యాక్సిన్ షాట్ కోసం ₹ 500 డిమాండ్ చేశాడని ఆరోపించారు. దీంతో వారి మధ్య గొడవ ప్రారంభమైంది. ప్రసూతి వార్డు సమీపంలో ఇద్దరు ఆరోగ్య కార్యకర్తల మధ్య ఘర్షణ జరిగింది. ఈ ఘటనపై సమాచారం అందుకున్న ఆస్పత్రి ఉన్నతాధికారులు విచారణ ప్రారంభించారు. ఇప్పటి వరకు వారిపై ఎలాంటి చర్యలు తీసుకోలేదని అధికారులు తెలిపారు.
