ఐదు రోజుల క్రితమే రక్షణ కోరిన కన్హయ్య.. పట్టించుకోని పోలీసులు

ఇద్దరు దుండగుల చేతిలో దారుణ హత్యకు గురైన టైలర్ కన్హయ్య లాల్ సాహుకు 5 రోజుల క్రితం నుండే బెదిరింపులు వచ్చాయని చెబుతున్నారు. తనకు వచ్చిన బెదిరింపులపై స్థానిక పోలీసులకు కన్హయ్య లాల్ ఫిర్యాదు చేశాడు. భయంతో ఐదు రోజుల పాటు షాపు కూడా తెరవలేదు. అయితే రక్షణ కల్పించాలని కన్హయ్య లాల్ కోరినా … పోలీసులు పట్టించుకోలేదు. ఇంతలోనే దారుణం జరిగిపోయిందని స్థానికులు చెబుతున్నారు. ఫిర్యాదు చేసిన వెంటనే పోలీసులు స్పందిస్తే ఈ దారుణం జరిగేది కాదని చెబుతున్నారు.

స్థానికులు మాట్లాడుతూ భయంతో ఐదు రోజుల పాటు షాపు కన్హయ్య తెరవలేదు. రక్షణ కల్పించాలని కన్హయ్య లాల్ కోరినా ... పోలీసులు పట్టించుకోలేదని తెలిపారు. ఫిర్యాదు చేసిన వెంటనే పోలీసులు స్పందిస్తే ఈ దారుణం జరిగేది కాదని చెబుతున్నారు. కన్హయ్య లాల్ రక్షణ కల్పించాలని కోరినా పోలీసులు పట్టించుకోకపోవడంతో రాజస్థాన్ ప్రభుత్వంపై తీవ్ర విమర్శలు వస్తున్నాయి.

ఉదయ్‌పూర్‌లో మంగళవారం పట్టపగలే ధన్‌ మండీ పోలీస్‌ స్టేషన్‌ పరిధిలో కన్హయ్యను ఇద్దరు అత్యంత కిరాతకంగా హత్య చేశారు. ఒక దుండగుడు కన్హయ్య లాల్ పై కత్తితో దాడి చేయగా.. మరో దుండగుడు ఆ ఘటనను తన సెల్ ఫోన్ లో రికార్డ్ చేశాడు. పదునైన కత్తితో తల నరకడంతో కన్హయ్య అక్కడికక్కడే ప్రాణాలు కోల్పోయాడు. తర్వాత ఇద్దరు దుండగులు తామే హత్య చేశామంటూ వీడియోను సోషల్ మీడియాలో పోస్ట్ చేశారు.