జమ్మూ కశ్మీర్ లో భద్రతా బలగాల విజయం

Two terrorists gunned down near LoC in Jammu and Kashmir's Kupwara. జమ్మూకశ్మీర్ లో భద్రత దళాలు విజయం సాధించాయి. కుప్వారా జిల్లా మచిల్ ప్రాంతంలోని నియంత్రణ రేఖ సమీపంలో

By Medi Samrat
Published on : 13 Jun 2023 6:56 PM IST

జమ్మూ కశ్మీర్ లో భద్రతా బలగాల విజయం

జమ్మూకశ్మీర్ లో భద్రత దళాలు విజయం సాధించాయి. కుప్వారా జిల్లా మచిల్ ప్రాంతంలోని నియంత్రణ రేఖ సమీపంలో ఇద్దరు ఉగ్రవాదులను భద్రతా దళాలు మట్టుబెట్టాయి. మిగిలిన వారి కోసం ఇంకా గాలింపు చర్యలు కొనసాగిస్తున్నారు. ఈ విషయాన్ని జమ్మూ కాశ్మీర్ పోలీసులు అధికారికంగా ప్రకటించారు. ‘‘కుప్వారా జిల్లాలోని దోబనార్ మాచల్ ప్రాంతంలో ఆర్మీ, కుప్వారా పోలీసులు సంయుక్తంగా నిర్వహించిన ఆపరేషన్ లో ఇద్దరు ఉగ్రవాదులను హతమయ్యారు. ఇంకా గాలింపు కొనసాగుతోంది’’ అని కశ్మీర్ పోలీసులు ట్వీట్ చేశారు. ఈ ఎన్ కౌంటర్ కు సంబంధించిన మరిన్ని వివరాలు తెలియాల్సి ఉంది.

బందిపోరా పోలీసులు, రాష్ట్రీయ రైఫిల్స్ (RR), సెంట్రల్ రిజర్వ్ పోలీస్ ఫోర్స్ (CRPF) జాయింట్ ఆపరేషన్‌లో లష్కరే తోయిబా (LeT)కు చెందిన ఉగ్రవాదిని అదుపులోకి తీసుకున్నారు. జూన్ 13 న జమ్మూ కశ్మీర్ పోలీసులు ఈ తీవ్రవాదిని అదుపులోకి తీసుకున్నారు. బహరాబాద్ హాజిన్ ప్రాంతంలో తీవ్రవాదిని పట్టుకున్నట్లు అధికారులు తెలిపారు. అతడి దగ్గర పలు ఆయుధాలు, గ్రెనేడ్ లను పోలీసులు స్వాధీనం చేసుకున్నారు.


Next Story