ఇరుకైన వీధిలో గొడవ.. కారు డ్రైవర్ కోపంతో..

ఇరుకైన వీధిలో బైకర్‌తో వాగ్వాదం జరిగిన తర్వాత కోపంతో ఉన్న కారు డ్రైవర్, ఆ ప్రాంతం నుండి వేగంగా వెళ్ళిపోతూ నడుచుకుంటూ వెళుతున్న వారిని గాయపరిచాడు. కొంతమంది వ్యక్తుల మీదకు తన SUVతో దూసుకెళ్లడంతో.. ముగ్గురు వ్యక్తులు తీవ్రంగా గాయపడ్డారు. గాయపడినవారు స్థానిక ఆసుపత్రిలో చికిత్స పొందుతున్నట్లు పోలీసులు తెలిపారు. ఢిల్లీలో ఈ ఘటన చోటు చేసుకుంది. ఓ భవనంలోని సీసీటీవీ ఫుటేజీ ద్వారా కారు డ్రైవర్‌ను గుర్తించి అరెస్టు చేశారు.

అక్టోబరు 26న ఉత్తర ఢిల్లీలోని అలీపూర్ ప్రాంతంలో ఇరుకైన సందు గుండా వెళుతుండగా కారు డ్రైవర్ మోటార్‌సైకిల్‌ పై వెళుతున్న వ్యక్తితో గొడవపడ్డాడు. ఈ ఘటన తర్వాత స్థానికులు వెంటనే జోక్యం చేసుకుని పరిస్థితిని అదుపులోకి తెచ్చారు, అయితే ఆగ్రహించిన కారు డ్రైవర్ యాక్సిలరేటర్‌ను నొక్కి, అక్కడ గుమిగూడిన ప్రజలపైకి కారుతో దూసుకెళ్లాడు. వాహనం నంబర్‌ ప్లేట్‌ ఆధారంగా డ్రైవర్‌ను గుర్తించిన పోలీసులు అతడిని అదుపులోకి తీసుకున్నారు.