డిసెంబర్ 20 నుంచి పాఠశాలల పని వేళల్లో మార్పు.. ఉదయం 10 గంటల నుండి మధ్యాహ్నం 2 గంటల వరకే

హర్యానా రాష్ట్రంలోని డైరెక్టరేట్ ఆఫ్ ఎడ్యుకేషన్.. ప్రభుత్వ, ప్రైవేట్ పాఠశాలల పాఠశాల సమయాలకు సంబంధించిన నోటిఫికేషన్‌ను విడుదల చేసింది. ప్రైవేట్, ప్రభుత్వ పాఠశాలలు రెండూ ఇప్పుడు ఉదయం 10:00 గంటల నుండి మధ్యాహ్నం 02:00 గంటల వరకు నిర్వహించబడతాయి. ఈ నిర్ణయం డిసెంబర్ 20, 2021 నుండి అమలులో ఉంటుంది. ఈ నిర్ణయాన్ని డైరెక్టరేట్ ఆఫ్ ఇన్ఫర్మేషన్, పబ్లిక్ రిలేషన్స్ అండ్ లాంగ్వేజెస్ డిపార్ట్‌మెంట్, హర్యానా కూడా ట్వీట్ ద్వారా తెలియజేసింది.

హిందీలో ఉన్న ట్వీట్ ఇలా ఉంది. "హర్యానాలోని అన్ని ప్రైవేట్, ప్రభుత్వ పాఠశాలల సమయాలు మార్చబడ్డాయి. ఇప్పుడు విద్యార్థులకు ఉదయం 10:00 నుండి మధ్యాహ్నం 02:00 గంటల వరకు సమయం నిర్ణయించబడింది. అయితే ఉపాధ్యాయులు ఉదయం 9:30 గంటల నుండి మధ్యాహ్నం 2:30 గంటల వరకు హాజరు కావాలి. ఈ ఆర్డర్ డిసెంబర్ 20 నుండి తదుపరి ఉత్తర్వుల వరకు అమలులో ఉంటుంది."

డైరెక్టరేట్ ఆఫ్ ఎడ్యుకేషన్ నోటిఫికేషన్ కూడా అదే తరహాలో ఉంది. పాఠశాలలు అనుసరించాల్సిన అదనపు మార్గదర్శకాలను కలిగి ఉంది. ప్రభుత్వ ఆదేశాల్లో.. ఆన్‌లైన్ తరగతులను కొనసాగించాలనుకునే విద్యార్థులు అలా చేయడానికి అనుమతించబడతారని హర్యానా పాఠశాల విద్యా శాఖ తెలిపింది. విద్యార్థులకు హాజరు తప్పనిసరి కాదని, దాని కోసం ఒత్తిడి చేయబోమని ప్రభుత్వ ప్రకటన తెలిపింది. అయితే ఆఫ్‌లైన్ తరగతులకు హాజరు కాకూడదనుకునే విద్యార్థుల కోసం, వారి తల్లిదండ్రులు దాని గురించి వ్రాతపూర్వక రూపంలో పాఠశాల అధికారులకు తెలియజేయవలసి ఉంటుంది. మధ్యాహ్న భోజనం (ఎండీఎం) పథకం కింద భోజన పంపిణీ కొనసాగుతుందని ప్రభుత్వం తెలిపింది. ఇటీవల హర్యానా విద్యా మంత్రి కన్వర్ పాల్, ఏ పాఠశాలలు తమ ఫీజులను ఐదు శాతానికి మించి పెంచవని, ఐదేళ్లలోపు యూనిఫాం మార్చవద్దని ప్రకటించారు.