సర్వే కోసం వెళ్లిన అధికారులపై దాడి

యూపీలోని సంభాల్ జిల్లాలోని షాహీ జామా మసీదు సర్వే విషయమై ఆదివారం ఉదయం నగరంలో సందడి నెలకొంది. డీఎం-ఎస్పీతోపాటు అడ్వకేట్ కమిషనర్ రమేష్ రాఘవ్ ఉదయం ఐదు గంటలకు మసీదుకు చేరుకున్నారు. చుట్టుపక్కల రోడ్లను దిగ్బంధించి మసీదులో కొలతలు ప్రారంభించారు. ఈ విషయం తెలియగానే జనం గుమిగూడారు. 7 గంటల ప్రాంతంలో ఓ గుంపు రాళ్లు రువ్వడంతో పోలీసులు గాలిలోకి కాల్పులు జరపాల్సి వచ్చింది. ఆగ్రహించిన ప్రజలను పోలీసులు తరిమికొట్టారు. మరోవైపు ఆందోళ‌న‌కారులు వాహనాలకు కూడా నిప్పు పెట్టారు. సమీప జిల్లాల నుంచి కూడా బలగాలను రప్పించారు. కాల్పులు, రాళ్లదాడిలో ముగ్గురు చనిపోయారు. మృతుల్లో నయీమ్ ఘాజీ, రుమాల్ ఖాన్, బిలాల్ అన్సారీ ఉన్నారు.

అయితే ముగ్గురు మరణాలు ఇంకా అధికారికంగా ధృవీకరించబడలేదు. సర్వే బృందం సుమారు 10:30 గంటలకు తిరిగి వచ్చింది. అయితే సంభాల్‌లో ఉద్రిక్త వాతావరణం కొనసాగుతోంది. డీఐజీ మునిరాజ్‌ కూడా సంఘటనా స్థలానికి చేరుకున్నారు.

నవంబర్ 19న సివిల్ జడ్జి (సీనియర్ డివిజన్) కోర్టులో ఈ మసీదులో హరి హర్ దేవాలయముంద‌ని పేర్కొన్నారు. సర్వేకు ఆదేశించిన కోర్టు సీనియర్ న్యాయవాది రమేష్ రాఘవ్‌ను అడ్వకేట్ కమిషనర్‌గా నియమించింది. అదే రోజు సాయంత్రం మసీదులో వీడియోగ్రఫీ చేశారు.

ఈరోజు (ఆదివారం) ఉదయం నగరంలోని షాహీ జామా మసీదులో హరిహర్ దేవాలయం ఉందన్న వాదనను వినిపించిన తర్వాత రెండో దశ సర్వేను ప్రారంభించారు. ఈ విషయం తెలియగానే ఉదయం 9:00 గంటల ప్రాంతంలో జనం మసీదు వద్దకు చేరుకోవడంతో జనాన్ని చెదరగొట్టే ప్రయత్నం చేయడంతో తొలుత తోపులాట జరిగింది.

పోలీసులు గాలిలోకి కాల్పులు జరిపి జనాన్ని చెదరగొట్టేందుకు ప్రయత్నించారు. మరోవైపు నుంచి కూడా కాల్పులు జరిపినట్లు సమాచారం. కట్టుదిట్టమైన భద్రత నడుమ సర్వే పూర్తి చేసి విష్ణు జైన్‌ను బయటకు తీశారు. పక్కా ప్రణాళికతో రచ్చ జరిగిందని, ఈ రచ్చ సృష్టించిన వారిని గుర్తిస్తున్నామని ఎస్పీ కృష్ణకుమార్ తెలిపారు. గాయపడిన పోలీసులను చికిత్స నిమిత్తం తరలించారు. డ్రోన్ల ద్వారా నిఘా కొనసాగిస్తున్నారు.

రెండోసారి కోర్టు ఆదేశాలతో న్యాయవాది విష్ణుశంకర్ జైన్ నేతృత్వంలోని బృందం సర్వే చేయడానికి ఆదివారం తెల్లవారుజామున జామా మసీదులోకి చేరుకుంది.

జామా మసీదు, హరిహర్ టెంపుల్ ఘటన తర్వాత నగరంలో శాంతి భద్రతలను పెంచారు. ఇదే కేసులో మంగళవారం అడ్వకేట్ కమిషనర్ రమేష్ రాఘవ్‌తో పాటు ఫిర్యాది తరఫు న్యాయవాది విష్ణుశంకర్ జైన్, ప్రతివాది తరఫు పలువురు హాజరయ్యారు.