కూతురిపై తండ్రి అఘాయిత్యం.. మరణశిక్షను 30 ఏళ్ల కఠిన కారాగార శిక్షగా మార్చిన హైకోర్టు

17 ఏళ్ల మైనర్ కుమార్తెపై లైంగిక వేధింపులకు పాల్పడిన తండ్రికి సంబంధించిన కేసులో పంజాబ్ మరియు హర్యానా హైకోర్టు మరణశిక్షను 30 సంవత్సరాల కఠిన కారాగార శిక్షగా మార్చింది. జస్టిస్ గుర్విందర్ సింగ్ గిల్, జస్టిస్ జస్జిత్ సింగ్ బేడీలతో కూడిన డివిజన్ బెంచ్.. దోషి శిక్షను సమర్థిస్తూ.. ఇది అరుదైన కేసులలో అరుదైనది కాదని.. దీని ఆధారంగా మరణశిక్షను సమర్థించవచ్చని పేర్కొంది.

నిందితుడు తన మైనర్ కుమార్తెను పదేపదే లైంగికంగా వేధించడం ద్వారా తీవ్రమైన నేరానికి పాల్పడ్డాడని, దీనికి శిక్షలో ఎటువంటి ఉదాసీనత ఉండదని కోర్టు తన నిర్ణయంలో పేర్కొంది. అయితే, మరణశిక్ష సరైనది కాదని భావించి, దోషికి ముందస్తు విడుదల లేదా ఉపశమనం లేకుండా 30 సంవత్సరాల కఠిన కారాగార శిక్ష విధించబడింది.

2020లో బాధితురాలు త‌న తల్లి మరణించిన తర్వాత త‌న తాత‌య్య‌ల‌తో క‌లిసి వెళ్లి కొన్నాళ్లుగా తన తండ్రి తనను లైంగికంగా వేధించాడని, దాని ఫలితంగా తాను గర్భవతి అయ్యాన‌ని ఆరోపిస్తూ పోలీసులకు ఫిర్యాదు చేసింది. నిందితుడైన తండ్రిని అక్టోబర్ 3, 2020న అరెస్టు చేయ‌గా.. తన నేరాన్ని అంగీకరించాడు. అనంతరం బాధితురాలు బిడ్డకు జన్మనిచ్చింది.

హర్యానాలోని పల్వాల్ జిల్లా కోర్టు నిందితుడిని దోషిగా నిర్ధారించి 2023లో అతనికి మరణశిక్ష విధించింది. దీని తర్వాత ఈ విషయం హైకోర్టుకు చేరుకుంది.. అక్కడ నిందితుడు తనను తప్పుగా ఇరికించారని, బాధితురాలికి పుట్టిన బిడ్డ తండ్రి తాను కాదని, బాధితురాలి ప్రేమికుడని పేర్కొన్నాడు. ప్రాసిక్యూషన్‌ వైద్యపరమైన ఆధారాలు, బాధితురాలి వాంగ్మూలం బలంగా ఉండడంతో దోషి చేసిన అప్పీల్‌ను హైకోర్టు తిరస్కరించింది.

నాలుగేళ్లుగా తన తండ్రి తనను లైంగికంగా వేధించాడని బాధితురాలు తన వాంగ్మూలంలో స్పష్టంగా పేర్కొంది. బాధితురాలి సల్వార్‌పై కనిపించిన వీర్యం, పుట్టిన శిశువు DNA దోషితో సరిపోలినట్లు DNA ఆధారాలు కూడా నిర్ధారించాయి. ఫోరెన్సిక్ శాస్త్రవేత్త ధృవీకరించినట్లుగా.. ఇది పూర్తిగా DNA సరిపోలిక కేసు అని కోర్టు పేర్కొంది.

బాధితురాలి సల్వార్‌పై కనిపించిన వీర్యం మరక కూడా నిందితుడి ప్రమేయాన్ని రుజువు చేసింది. లైంగిక నేరాల నుంచి పిల్లల రక్షణ (పోక్సో) చట్టంలోని సెక్షన్ 6 మరియు భారతీయ శిక్షాస్మృతి (IPC)లోని సెక్షన్ 506 (II) కింద దోషికి విధించిన శిక్షను హైకోర్టు సమర్థించింది. అయితే, దోషికి ముందస్తు విడుదల ప్రయోజనం లేకుండా మరణశిక్ష 30 సంవత్సరాల కఠిన కారాగార శిక్షగా మార్చబడింది.