కన్నుగీటడం స్త్రీ గౌరవాన్ని దెబ్బతీస్తుంది.. కోర్టు సంచ‌ల‌న తీర్పు

ఓ మహిళపై కన్నుగీటడం, చేయి పట్టుకోవడం ద్వారా ఆమె గౌరవానికి భంగం కలిగించిన కేసులో 22 ఏళ్ల యువకుడిని ముంబై కోర్టు దోషిగా నిర్ధారించింది. అయితే నిందితుడికి వయస్సు, నేరచరిత్ర లేదనే వాస్తవాన్ని పరిగణనలోకి తీసుకుని.. అతడికి కోర్టు ఎలాంటి శిక్ష విధించలేదు.

వార్తా సంస్థ పిటిఐ నివేదించిన ప్ర‌కారం.. మేజిస్ట్రేట్ ఆర్తీ కులకర్ణి తీర్పు వెలువ‌రిస్తూ.. నిందితుడు మహ్మద్ కైఫ్ ఫకర్ చేసిన నేరానికి త‌క్కువ‌లో త‌క్కువ‌ జీవిత ఖైదు విధించాలి.. కానీ అతని వయస్సు, నేర చరిత్ర లేని వాస్తవాన్ని పరిగణనలోకి తీసుకుంటే.. అతనికి ప్రొబేషన్ ప్రయోజనం ఇవ్వాలని పేర్కొన్నారు. ఆగస్టు 22న ఈ ఉత్తర్వులు జారీ అయ్యాయి.

మహిళకు కలిగిన‌ మానసిక వేదనను, వేధింపులను విస్మరించలేమని.. అయితే నిందితులను శిక్షించడం వల్ల ఆమె భవిష్యత్తు, సమాజంలో ఆమె ఇమేజ్‌పై ప్రభావం పడుతుందని కోర్టు పేర్కొంది. భారతీయ శిక్షాస్మృతి (ఐపిసి)లోని సెక్షన్ 354 (మహిళ యొక్క అణకువకు భంగం కలిగించడం) కింద ఫకీర్‌ను కోర్టు దోషిగా నిర్ధారించింది.

రూ.15,000 వ్య‌క్తిగ‌త పూచీక‌త్తుతో బాండ్ అందించిన తర్వాత ఫకీర్‌ను విడుదల చేయాలని కోర్టు ఆదేశించింది. ఎప్పుడు పిలిచినా ప్రొబేషన్ ఆఫీసర్ ముందు హాజరు కావాలని నిందితుడికి ఆదేశాలు జారీ చేసింది. ఏప్రిల్ 2022లో దక్షిణ ముంబైలోని బైకుల్లా పోలీస్ స్టేషన్‌లో చేసిన ఫిర్యాదు ప్రకారం.. మహిళ స్థానిక దుకాణం నుండి కిరాణా సామాగ్రిని ఆర్డర్ చేసింది. స్టార్ట‌ప్‌లో పనిచేసిన నిందితుడు దానిని డెలివరీ చేయడానికి ఆమె ఇంటికి వచ్చిన‌ప్పుడు ఈ ఘ‌ట‌న జ‌రిగింది.