సీఎం శివరాజ్ సింగ్ చౌహాన్‌కు కరోనా పాజిటివ్
Madhya Pradesh CM Shivraj Singh Chouhan tests Covid positive. దేశంలో ఇప్పుడిప్పుడే కరోనా మహమ్మారి విజృంభణ తగ్గుముఖం పడుతోంది. దేశ వ్యాప్తంగా కరోనా కేసులు తగ్గుముఖం
By అంజి Published on 15 Feb 2022 10:13 AM GMT
దేశంలో ఇప్పుడిప్పుడే కరోనా మహమ్మారి విజృంభణ తగ్గుముఖం పడుతోంది. దేశ వ్యాప్తంగా కరోనా కేసులు తగ్గుముఖం పడుతున్నాయి. మధ్యప్రదేశ్ ముఖ్యమంత్రి శివరాజ్ సింగ్ చౌహాన్ మంగళవారం కోవిడ్ -19 కు పాజిటివ్ నిర్దారణ అయ్యింది. అతనికి తేలికపాటి లక్షణాలు ఉన్నందున అతను ఇంట్లో ఒంటరిగా ఉన్నానని చెప్పాడు. "నేను ఆర్టీపీసీఆర్‌ ద్వారా కోవిడ్ పరీక్ష చేశాను. అందులో నేను కోవిడ్ పాజిటివ్ పరీక్షించాను. నాకు సాధారణ లక్షణాలు ఉన్నాయి. కోవిడ్ -19 మార్గదర్శకాలను అనుసరించి నేను ఒంటరిగా ఉన్నాను "అని మధ్యప్రదేశ్ సిఎం ఒక ట్వీట్‌లో తెలిపారు. "నేను రాబోయే అన్ని పనులను వర్చువల్‌గా చేస్తాను. రేపు, సంత్ శిరోమణి రవిదాస్ జయంతి కార్యక్రమంలో వర్చువల్‌గా పాల్గొంటాను'' అన్నారు.
భారత్‌లో గ‌డిచిన 24 గంటల్లో 12,29,536 ల‌క్ష‌ల మందికి కరోనా నిర్థార‌ణ ప‌రీక్ష‌లు చేయ‌గా.. 27,409 పాజిటివ్ కేసులు న‌మోదు అయిన‌ట్లు మంగళవారం ఉద‌యం విడుద‌ల చేసిన బులిటెన్‌లో కేంద్ర ఆరోగ్య‌శాఖ వెల్ల‌డించింది. దీంతో దేశంలో కరోనా పాజిటివ్ కేసుల సంఖ్య 4,26,92,943కి చేరింది. నిన్న347 మంది ప్రాణాలు కోల్పోయారు. దీంతో దేశంలో కరోనా మహమ్మారి వ్యాప్తి మొద‌లైన‌ప్ప‌టి నుంచి ఇప్ప‌టి వ‌ర‌కు మ‌ర‌ణించిన వారి సంఖ్య 5,09,358కి చేరింది.
