ఢిల్లీని భయభ్రాంతులకు గురిచేయాలని లష్కరే తోయిబా కుట్ర..!

దేశ రాజధాని ఢిల్లీ లక్ష్యంగా ఉగ్రవాద కుట్ర గురించి నిఘా వ‌ర్గాలు వెల్లడించడంతో దేశ భద్రతా సంస్థలు హై అలర్ట్ ప్రకటించాయి. నిఘా వ‌ర్గాల సమాచారం ప్రకారం.. ఉగ్రవాద సంస్థ లష్కరే తోయిబా ఢిల్లీలోని ఎర్రకోట చుట్టూ, చాందినీ చౌక్‌లోని ఒక ప్రధాన ఆలయంలో బాంబు పేలుళ్లు జరపాలని యోచిస్తోంది. పాకిస్తాన్‌లోని ఇస్లామాబాద్‌లోని ఒక మసీదులో జరిగిన పేలుడుకు ప్రతీకారం తీర్చుకునే ప్రయత్నంగా ఈ ప్లాన్ చేస్తున్న‌ట్లు తెలుస్తుంది.

లష్కరే తోయిబా (LeT) IED దాడికి ప్లాన్ చేస్తోందని నిఘా వర్గాలు వార్తా సంస్థ ANIకి తెలిపాయి. ముఖ్యంగా, చాందినీ చౌక్ ప్రాంతంలోని ఒక ఆలయాన్ని లక్ష్యంగా పరిగణిస్తున్నారు. ఫిబ్రవరి 6న పాకిస్తాన్‌లోని ఇస్లామాబాద్‌లో జరిగిన మసీదు బాంబు పేలుడు తర్వాత ఈ ఉగ్రవాద సంస్థ భారత్‌లో ఒక పెద్ద ఉగ్రవాద దాడికి ప్రణాళిక వేస్తోంది.

నిఘా వర్గాల సమాచారం ప్రకారం.. లష్కరే తోయిబా దేశవ్యాప్తంగా ఉన్న ప్రధాన దేవాలయాలను కూడా లక్ష్యంగా చేసుకోవచ్చు. దేశవ్యాప్తంగా ఉన్న ముఖ్యమైన మతపరమైన ప్రదేశాలు ఈ ఉగ్రవాద సంస్థ లక్ష్యంగా ఉన్నాయని ఇది స్పష్టం చేస్తోంది.

"ఢిల్లీలోని ఎర్రకోట ముందు పేలుడు హెచ్చరిక ఉంది. ఉగ్రవాదులు చాందినీ చౌక్‌లోని ఒక ఆలయాన్ని లక్ష్యంగా చేసుకోవచ్చు. లష్కరే తోయిబా IED దాడికి ప్లాన్ చేస్తోంది" అని నిఘా వర్గాలు తెలిపాయి. పాకిస్తాన్‌లోని ఇస్లామాబాద్‌లోని ఒక మసీదులో ఫిబ్రవరి 6న జరిగిన బాంబు దాడి తర్వాత, ఈ సంస్థ భారతదేశంలో పెద్ద ఉగ్రవాద దాడికి ప్రణాళికలు వేస్తోంది. లష్కరే తోయిబా దేశంలోని ప్రధాన దేవాలయాలను లక్ష్యంగా చేసుకోవచ్చు.

గత సంవత్సరం నవంబర్ 10న ఢిల్లీలోని ఎర్రకోట మెట్రో స్టేషన్ సమీపంలో బాంబు పేలుడు జరిగింది. ఈ దాడిలో 10 మందికి పైగా మరణించగా, అనేక మంది గాయపడ్డారు. ఎర్రకోట మెట్రో స్టేషన్ గేట్ నంబర్ 1 సమీపంలో పేలుడు పదార్థాలతో నిండిన కారులో ఈ పేలుడు సంభవించింది.