కేరళలో ఐదో మంకీపాక్స్ కేసు న‌మోదు

కేరళలో ఐదవ మంకీపాక్స్ కేసు నమోదైందని ఆ రాష్ట్ర ఆరోగ్య మంత్రి వీణా జార్జ్ మంగళవారం తెలిపారు. ప్రస్తుతం మలప్పురంలో చికిత్స పొందుతున్న 30 ఏళ్ల వ్యక్తికి వైరస్ సోకింది. జూలై 27న యూఏఈ నుంచి కోజికోడ్ విమానాశ్రయానికి చేరుకున్నాడు. అతని తల్లిదండ్రులు, ఇద్దరు స్నేహితులతో పరిచయాల కార‌ణంగా వారు ఐసోలేష‌న్‌లో ఉన్నారు"అని మంత్రి వీణా జార్జ్ చెప్పారు. మంకీపాక్స్ కేసుల‌కు సంబంధించి పాజిటివ్ గా నిర్ధారణ అయిన ఓ రోగి పూర్తిగా కోలుకుని డిశ్చార్జ్ కాగా, మరో ముగ్గురు ఆసుపత్రిలో కోలుకుంటున్నారు. అక్కడ వారి పరిస్థితి నిలకడగా ఉందని పేర్కొన్నారు.

అయితే.. సోమవారం త్రిసూర్‌లో మొదటి మంకీపాక్స్ కేసు మరణం నమోదైంది. మృతుడు గత నెలలో రాష్ట్రానికి వచ్చినప్పుడు సమాచారం ఇవ్వ‌లేదు. ఆరోగ్య శాఖ‌ అధికారులు మృతుడి కేసును అధ్యయనం చేస్తున్నారు. విదేశాల నుంచి వ‌చ్చిన‌ మరుసటి రోజు అతను తన స్నేహితుడితో ఫుట్‌బాల్ ఆడినట్లు నివేదించబడింది. అతనికి ఇరవై ఒక్క మందిని ఐసోలేష‌న్‌లో ఉండాల్సిందిగా అధికారులు ఆదేశించారు. ప్ర‌స్తుతం వారిని కూడా నిరంత‌రం పర్యవేక్షిస్తున్నారు.