రగులుతున్న హిజాబ్ వివాదం.. దమ్ము చూపించండంటూ కంగనా రనౌత్ వ్యాఖ్యలు

కర్ణాటక రాష్ట్రంలో రగులుతున్న హిజాబ్ వివాదంపై బాలీవుడ్ నటి కంగనా రనౌత్ గురువారం స్పందించారు. "మీరు ధైర్యాన్ని ప్రదర్శించాలనుకుంటే, ఆఫ్ఘనిస్తాన్‌లో బుర్ఖా [తల కండువా/హిజాబ్] ధరించకుండా చూపించండి" అని అన్నారు. కంగనా రనౌత్ గురువారం తన ఇన్‌స్టాగ్రామ్‌లో హిజాబ్‌ వివాదంపై పోస్టు పెట్టారు. రచయిత ఆనంద్‌ రంగనాథన్‌ చేసిన పోస్టును స్క్రీన్‌ షాట్‌ తీసి పెట్టారు. పోస్టులో ఒకదానిలో మహిళలకు సంబంధించిన రెండు విభిన్న ఫోటోలను పంచుకుంటూ "విముక్తి పొందడం నేర్చుకోండి. అంటూ కంగనా రాశారు.

రెండు చిత్రాల్లో.. ఒక చిత్రం ఈత దుస్తులలో ఉన్న మహిళల సమూహాన్ని చూపించింది. మరొకటి బురఖాలతో ఉన్న వారిని చూపించింది. "ఇరాన్. 1973.. ఇప్పుడు. యాభై ఏళ్లలో బికినీ నుండి బుర్ఖా వరకు. చరిత్ర నుండి నేర్చుకోని వారు దానిని పునరావృతం చేయడం విచారకరం" అని ఆ ఫోటోకు ఆనంద్‌ రంగనాథన్‌ క్యాప్షన్ ఇచ్చారు.

క్యాంపస్‌లలో బాలికలు హిజాబ్ ధరించడంపై కర్ణాటకలోని అనేక పాఠశాలలు, కళాశాలలు నిరసనలను ఎదుర్కొంటున్న నేపథ్యంలో కంగనా రనౌత్ వ్యాఖ్యలు ప్రాధాన్యం సంతరించుకున్నాయి. కర్నాటకలోని కోస్టల్ టౌన్ ఉడిపిలో ప్రభుత్వ ప్రీ-యూనివర్శిటీ కళాశాల యాజమాన్యం హిజాబ్ ధరించి తరగతులకు హాజరుకాకుండా ఆరుగురు ముస్లిం బాలికలను నిషేధించడంతో వివాదం రాజుకుంది. హిజాబ్ ధరించడాన్ని నిరసిస్తూ కొందరు హిందూ విద్యార్థులు కాషాయ కండువాలు ధరించి వచ్చారు.

గురువారం కర్ణాటక హైకోర్టు ఇచ్చిన మధ్యంతర ఉత్తర్వులకు వ్యతిరేకంగా విద్యార్థులతో సహా పలువురు పిటిషనర్లు పిటిషన్లు దాఖలు చేసిన తర్వాత ఈ వివాదం సుప్రీంకోర్టుకు చేరింది. కాలేజీల్లో విద్యార్థులు హిజాబ్‌లు ధరించడంపై రాష్ట్ర ప్రభుత్వం విధించిన నిషేధాన్ని సవాల్ చేస్తూ దాఖలైన పిటిషన్లను కర్ణాటక హైకోర్టు గురువారం విచారించింది. మధ్యంతర ఉత్తర్వు జారీ చేస్తూ, హైకోర్టు ప్రధాన న్యాయమూర్తి మాట్లాడుతూ, రాష్ట్రాల్లోని కళాశాలలు తిరిగి తెరవవచ్చు, అయితే విషయం పెండింగ్‌లో ఉన్నంత వరకు విద్యార్థులు మతపరమైన దుస్తులు ధరించడానికి అనుమతించరాదని అన్నారు.

మరోవైపు నిరసనల కారణంగా మూతపడిన పాఠశాలలు, కళాశాలలను సోమవారం నుంచి దశలవారీగా తెరవాలని ప్రభుత్వం నిర్ణయించింది. 1-10 తరగతుల విద్యార్థులు తరగతులకు హాజరు కావడానికి అనుమతించబడతారు. హిజాబ్ సమస్య ఎక్కువైన కళాశాలలకు సంబంధించిన నిర్ణయం తరువాత సమయంలో తీసుకోబడుతుంది.