కాంగ్రెస్ ఓట‌మిపై స్పందించిన మాజీ ప్రధాని.. అక్క‌డి ప్రజలు బీజేపీని ఎన్నుకోలేదు..
Internal problems led to Congress' failure in election. జనతాదళ్ సెక్యులర్ నాయకుడు, మాజీ ప్రధాని హెచ్‌డి దేవెగౌడ ఆదివారం మీడియాతో ముచ్చ‌టించారు.
By Medi Samrat Published on 13 March 2022 9:46 AM GMT
జనతాదళ్ సెక్యులర్ నాయకుడు, మాజీ ప్రధాని హెచ్‌డి దేవెగౌడ ఆదివారం మీడియాతో ముచ్చ‌టించారు. ఇటీవల ముగిసిన అసెంబ్లీ ఎన్నికలలో కాంగ్రెస్ ముద్ర వేయలేకపోవడం అంతర్గత సమస్యలలో ఒకటిగా పేర్కొన్నారు. కర్ణాటక అసెంబ్లీ ఎన్నికల కోసం ఏ పార్టీతో ముందస్తు ఎన్నికల పొత్తుల గురించి ఆలోచించడం లేదని కూడా ఆయన చెప్పారు. ఇటీవలి అసెంబ్లీ ఎన్నికల ఫలితాలపై హెచ్‌డి దేవెగౌడ మాట్లాడుతూ.. పంజాబ్‌లో కాంగ్రెస్ వైఫల్యానికి రైతుల ఆందోళనలు, కాంగ్రెస్ పార్టీ అంతర్గత సమస్యలే కారణమని అన్నారు. ఇది ఆప్, ప్రతిపక్ష పార్టీలకు మంచి అవకాశాన్ని ఇచ్చిందని.. అయితే.. పంజాబ్ ప్రజలు బీజేపీని ఎన్నుకోలేదని అన్నారాయన.
కర్ణాటకలో రాబోయే అసెంబ్లీ ఎన్నికల గురించి దేవెగౌడ మాట్లాడుతూ.. మేము పొత్తుల గురించి అస్సలు ఆలోచించడం లేదని నేను మీకు చెప్పాలనుకుంటున్నాను.. మేము ప్రతిపక్షంలో కూర్చుని పార్టీని నిర్మించడానికి ప్రయత్నిస్తామని అన్నారు. గత కర్ణాటక అసెంబ్లీ ఎన్నికల్లో జేడీఎస్ కాంగ్రెస్‌తో పొత్తు పెట్టుకుని.. జేడీఎస్ అధినేత హెచ్‌డి కుమారస్వామి ముఖ్యమంత్రిగా ఎన్నికై రాష్ట్రంలో ప్రభుత్వాన్ని ఏర్పాటు చేయగలిగింది. అయితే, ఆ ప్రభుత్వాన్ని బీజేపీ పడగొట్టడంతో ఎక్కువ కాలం నిలవలేదు.
ఇదిలావుంటే.. గాంధీ కుటుంబ సభ్యులు కాంగ్రెస్‌లోని అన్ని సంస్థాగత పదవులకు రాజీనామా చేస్తారన్న వార్తలను పార్టీ ఖండించినప్పటికీ.. అసెంబ్లీ ఎన్నికల ఫలితాలపై చర్చించడానికి కాంగ్రెస్ వర్కింగ్ కమిటీ ఈరోజు సమావేశం కానుంది. సోనియా గాంధీ ఆదివారం సాయంత్రం 4 గంటలకు పార్టీ ప్రధాన కార్యాలయంలో జ‌రిగే అత్యున్నత సమావేశానికి అధ్యక్షత వహిస్తారని కాంగ్రెస్ వర్గాలు తెలిపాయి. కాంగ్రెస్.. పంజాబ్ లో ఆప్ చేతిలో ఓడిపోయింది. ఉత్తరప్రదేశ్, ఉత్తరాఖండ్, గోవా, మణిపూర్ నాలుగు రాష్ట్రాలలో కూడా దేనినీ బీజేపీ నుండి కైవసం చేసుకోలేకపోయింది.
