విషాదం.. స్నేహితుల‌తో పుట్టినరోజు జ‌రుపుకుంటూ..

బెంగళూరులోని ఇండియన్ ఇన్‌స్టిట్యూట్ ఆఫ్ మేనేజ్‌మెంట్ (ఐఐఎం-బి)కి చెందిన 29 ఏళ్ల విద్యార్థి హాస్టల్ రెండో అంతస్తు నుంచి పడి మృతి చెందినట్లు పోలీసులు తెలిపారు. బాధితుడు జనవరి 4న తన స్నేహితులతో కలిసి తన 29వ పుట్టినరోజు జరుపుకున్న కొన్ని గంటల తర్వాత ఈ ఘటన జరిగింది.

గుజరాత్‌లోని సూరత్‌కు చెందిన నిలయ్ కైలాష్‌భాయ్ పటేల్ అర్ధరాత్రి తర్వాత తన స్నేహితుడి గదిలో కేక్ కట్ చేసి తన హాస్టల్ గదికి వెళ్లాడు. అనంతరం ఆదివారం ఉదయం 6.30 గంటల సమయంలో హాస్టల్‌లోని లాన్‌లో పడి ఉన్నాడు. పోస్ట్ గ్రాడ్యుయేట్ ప్రోగ్రామ్ ఇన్ మేనేజ్‌మెంట్ (పిజిపి) విద్యార్థి కైలాష్ పుట్టినరోజు పార్టీ తర్వాత తన గదికి తిరిగి వెళుతుండగా ప్రమాదవశాత్తు రెండవ అంతస్తు బాల్కనీ నుండి పడిపోయి ఉండవచ్చని భావిస్తున్నారు. మరణానికి గల కారణాలను నిర్ధారించేందుకు పోస్ట్‌మార్టం నివేదిక కోసం ఎదురుచూస్తున్నామని పోలీసు అధికారి తెలిపారు. కైలాష్ కింద పడి ఉండడాన్ని భద్రతా సిబ్బంది గమనించారని, వెంటనే ఆసుపత్రికి తరలించారని పోలీసులు తెలిపారు. అప్పటికే వైద్యులు చనిపోయినట్లు ప్రకటించారని పోలీసులు తెలిపారు. అసహజ మరణంగా కేసు నమోదు చేసి దర్యాప్తు చేపట్టారు.