Viral Video : జూనియర్‌ను బెల్ట్‌తో బాదేశారు..!

హిమాచల్ ప్రదేశ్‌లోని సోలన్‌లో సీనియర్ విద్యార్థుల బృందం ఒక జూనియర్ విద్యార్థిని దుర్భాషలాడడం, కొట్టడం, బెల్ట్ తో బాదిన వీడియో సోషల్ మీడియాలో వైరల్ అవుతూ ఉంది. కందఘాట్‌లోని ఓ ప్రైవేట్ యూనివర్సిటీలో ఈ ఘటన చోటుచేసుకుంది. ఒక జూనియర్ విద్యార్థిని చుట్టుముట్టిన విద్యార్థుల గుంపు అతడిని హింసించడం వీడియోలో రికార్డు అయింది. జూనియర్ విద్యార్థి మద్యం తాగేందుకు నిరాకరించడంతో ఈ టార్చర్ అనుభవించాల్సి వచ్చింది.

ఫైనల్ ఇయర్ చదువుతున్న విద్యార్థులు తనపై దాడికి పాల్పడ్డారని చాలా రోజులుగా వేధిస్తున్నారని బాధిత విద్యార్థి పోలీసులకు ఫిర్యాదు చేశాడు. సీనియర్ల దాడిలో విద్యార్థి గాయపడ్డాడు. ఈ విషయమై పోలీసులు కేసు నమోదు చేసి దర్యాప్తు చేస్తున్నారు. యూనివర్శిటీకి చెందిన యాంటీ ర్యాగింగ్ కమిటీ సమావేశమైంది. విచారణ తర్వాత విద్యార్థుల భవిష్యత్తుపై నిర్ణయం తీసుకోనున్నారు.