పాఠశాలలు, కళాశాలలు.. జనవరి 26 వరకు మూసివేత

హిమాచల్ ప్రదేశ్ ముఖ్యమంత్రి వైద్య, పోలీసు అధికారులతో జరిగిన సమావేశంలో.. రాష్ట్రంలోని అన్ని పాఠశాలలు, కళాశాలలను జనవరి 26 వరకు మూసివేయాలని ఆదేశించారు. కోవిడ్ -19 పరీక్షలను మెరుగుపరచాలని, కోవిడ్ క్లస్టర్‌లను సమర్థవంతంగా పర్యవేక్షించాలని సీఎం అధికారులను ఆదేశించారు. విద్యార్థుల భద్రత కోసం రాష్ట్రంలోని మెడికల్, డెంటల్, నర్సింగ్ కాలేజీలు మినహా అన్ని విద్యా సంస్థలను జనవరి 26 వరకు మూసివేయాలని సమావేశంలో నిర్ణయించారు. పాఠశాలలు, కళాశాలల మూసివేతకు సంబంధించిన అధికారిక ఉత్తర్వు ప్రకారం.. " హిమాచల్ ప్రదేశ్ రాష్ట్రంలో పాఠశాలలు, కళాశాలలు, విశ్వవిద్యాలయాలు, విద్యాసంస్థలు, ఇంజనీరింగ్ పాలిటెక్నిక్ కళాశాలలు, ఐటీఐలు, కోచింగ్ సెంటర్‌లతో సహా అన్ని విద్యాసంస్థలు (ప్రభుత్వ, సెమీ గవర్నమెంట్ లేదా ప్రైవేట్) 26.01.22 వరకు మూసివేయబడతాయి."

అయితే అన్ని నర్సింగ్, మెడికల్ కాలేజీలు మాత్రం తెరిచి ఉండనున్నాయి. ఆస్పత్రుల్లో పడకలు, ఆక్సిజన్, పీపీఈ కిట్లు, మందుల లభ్యతపై సమీక్షించాలని సీఎం అధికారులను కోరారు. 15 నుండి 18 సంవత్సరాల వయస్సు గల పిల్లలకు టీకాలు వేయడం, ఆరోగ్య సంరక్షణ కార్యకర్తలకు ముందుజాగ్రత్త మోతాదులను వేగవంతం చేయాల్సిన అవసరం ఉందని చెప్పారు. కోవిడ్‌-19 యొక్క ఓమిక్రాన్‌ వేరియంట్ వ్యాప్తి కారణంగా వివిధ రాష్ట్రాల్లో పాఠశాలలు మళ్లీ మూసివేయబడుతున్నాయి. మహారాష్ట్ర, ఢిల్లీ, పశ్చిమ బెంగాల్, ఒడిశా, తమిళనాడు, మిజోరాం, అనేక ఇతర రాష్ట్రాలు శారీరక తరగతులను నిలిపివేశాయి.