పార్లమెంట్ లో ముగ్గురు గాంధీలు.. ఎన్నో దశాబ్దాల తర్వాత

నెహ్రూ - గాంధీ కుటుంబానికి చెందిన ముగ్గురు ఇప్పుడు పార్లమెంట్ లో ఉండనున్నారు. దశాబ్దాల తర్వాత తొలిసారిగా ముగ్గురు గాంధీలు పార్లమెంటులో ఉండనున్నారు. కేరళలోని వాయనాడ్‌ నుంచి లోక్‌సభ ఉపఎన్నికల్లో విజయం సాధించి తొలిసారి ఎన్నికల బరిలోకి దిగిన కాంగ్రెస్‌ అధినేత్రి ప్రియాంక గాంధీ పార్లమెంటు సభ్యురాలిగా ప్రమాణ స్వీకారం చేయనున్నారు. దశాబ్దాల తర్వాత నెహ్రూ-గాంధీ కుటుంబానికి చెందిన ముగ్గురు సభ్యులు సోనియా, రాహుల్, ప్రియాంక కలిసి సభకు హాజరుకావడం ఇదే తొలిసారి.

2024 లోక్‌సభ ఎన్నికల్లో తన సోదరుడు రాహుల్ గాంధీ సాధించిన విజయం కంటే ప్రియాంక భారీ విజయం సాధించింది. 2024 ఎన్నికలలో వాయనాడ్, రాయ్ బరేలీ రెండింటి నుండి గెలిచినప్పటికీ, రాహుల్ గాంధీ తన రాయ్ బరేలీ స్థానాన్ని నిలబెట్టుకోవాలని నిర్ణయించుకోవడంతో ఉప ఎన్నిక జరిగింది. ప్రియాంక విజయంతో, పార్లమెంటులో నెహ్రూ-గాంధీ కుటుంబానికి బలం మరింత పెరిగింది. సోనియా గాంధీ పెద్దల సభలో ఉండగా.. అన్నాచెల్లెళ్లు రాహుల్, ప్రియాంక లోక్ సభలో కూర్చోనున్నారు. ముగ్గురూ కలిసి సభలో పనిచేయడానికి సిద్ధంగా ఉన్నారు.