ఎగ్జిట్ పోల్స్ అంచనాలు.. ఉత్తరప్రదేశ్‌లో మళ్లీ బీజేపేనా.!

ఐదు రాష్ట్రాలలో ఏడు దశల అసెంబ్లీ ఎన్నికలు సోమవారం ముగియడంతో.. ఎగ్జిట్ పోల్స్ ఉత్తరప్రదేశ్‌లో బిజెపి, దాని మిత్రపక్ష పార్టీలు తక్కువ మెజారిటీతో స్పష్టమైన విజయం సాధించవచ్చని అంచనా వేసింది. ఈ సారి ఎగ్జిట్ పోల్స్ నిర్వహిస్తున్న చాలా ఏజెన్సీల ప్రకారం.. ఉత్తరాఖండ్, గోవాలో కాంగ్రెస్ - బిజెపి మధ్య గట్టి పోటీ ఉండగా, పంజాబ్‌లో ఆప్ కాంగ్రెస్‌ను గద్దె దింపుతుందని భావిస్తున్నారు. మణిపూర్‌లో ఎగ్జిట్ పోల్స్ ప్రకారం.. కాషాయ పార్టీ, దాని మిత్రపక్షాలు ఎన్‌పీపీ, ఎన్‌పీఎఫ్‌, జేడీయూ - కాంగ్రెస్‌పై ఎడ్జ్‌ను కలిగి ఉంటాయి. పంజాబ్‌లో ఇండియా టుడే యాక్సిస్ పోల్ 117 సీట్ల అసెంబ్లీలో ఆప్‌కి 76-90 సీట్లు, కాంగ్రెస్‌కు 19-31 సీట్లు, బీజేపీకి 1-4 సీట్లు, ఎస్‌ఏడీకి 7-11 సీట్లు వస్తాయని అంచనా వేసింది.

పోల్‌స్ట్రాట్ ప్రకారం, ఉత్తరప్రదేశ్‌లోని 403 సీట్లలో బీజేపీ, మిత్రపక్షాలు 211-225 స్థానాలను గెలుచుకుంటాయి. ఎస్‌పీ, దాని మిత్రపక్షాలు 146-160, బీఎస్పీ 14-24, కాంగ్రెస్‌కు 4-6 సీట్లు లభిస్తాయి. టైమ్స్ నౌ-వీటో అంచనా ప్రకారం.. ఉత్తరాఖండ్‌లో బీజేపీ 37 సీట్లు, కాంగ్రెస్‌కు 31 సీట్లు వస్తాయని అంచనా. 40 సీట్ల గోవా అసెంబ్లీలో, కాంగ్రెస్‌కు 16 సీట్లు వస్తాయని అంచనా వేయగా, బీజేపీకి 14 సీట్లు వస్తాయని టైమ్స్ నౌ-వీటో ఎగ్జిట్ పోల్స్ చూపించింది. అదే సమయంలో, మణిపూర్‌లో బిజెపికి 23 - 28 మధ్య. కాంగ్రెస్‌కు 10 - 14 మధ్య స్థానాలు మారుతాయని ఇండియా న్యూస్ అంచనాలు చెబుతున్నాయి. మార్చి 10న అసెంబ్లీ ఎన్నికల ఫలితాలు వెలువడనున్నాయి.