మద్యం మత్తులో మహిళలతో బూతులు మాట్లాడారు.. చివరికి..!

కర్నాటక రాష్ట్రంలో మద్యం మత్తులో ఉన్న ఓ వ్యక్తిని మహిళలతో అసభ్యంగా ప్రవర్తించినందుకు అతడిని చెప్పులతో కొట్టారు. ధార్వాడ్ జిల్లాలో ఓ మహిళ రోడ్డుపై కూర్చున్న అతడి తలపై, ముఖంపై చెప్పుతో కొట్టిన వీడియో సోషల్ మీడియాలో వైరల్ అవుతోంది. ఆ మహిళ కొడుతున్నా కూడా ఆ వ్యక్తి ఎదురు తిరగడానికి ప్రయత్నించలేదు. చుట్టుపక్కలవారు చూస్తుండగానే ఆ మహిళ అతడిని కొట్టడం వీడియోలో రికార్డు అయింది.

మద్యం మత్తులో ఉన్న ఆ వ్యక్తి రోడ్డుపై వెళ్తున్న మహిళలను దూషిస్తూ వారి మొబైల్ నంబర్లు అడిగాడు. కొంత మందికి చిర్రెత్తుకు రావడంతో అతడిని పట్టుకుని కొట్టి.. అక్కడి నుంచి తరిమేశారు. ఇష్టం వచ్చినట్లు తిట్టాడని.. కొద్ది సేపు భరించినా ఆ తర్వాత అతడు హద్దులు దాటడంతో కొట్టారని స్థానికులు చెప్పారు. పోలీసులకు ఇందుకు సంబంధించి సమాచారం అందించారు.