మళ్ళీ టెన్షన్.. కేరళలో కరోనా కొత్త వేరియంట్

కేరళలో కరోనా కొత్త వేరియంట్ కలకలం రేపుతోంది. గత కొన్ని రోజులుగా ఆ రాష్ట్రంలో జేఎన్‌.1 వేరియంట్‌ కేసులు ఎక్కువగా నమోదవుతున్నాయి. దాంతో దేశంలో నమోదయ్యే మొత్తం రోజువారీ కరోనా కేసుల్లో కేరళలో అత్యధికంగా ఉంటున్నాయి. కేరళలో నవంబర్‌ నెల మొత్తం 470 కరోనా కేసులు నమోదు అయ్యాయి.. డిసెంబర్‌ నెల తొలి పది రోజుల్లోనే 825 మంది కరోనా బారినపడ్డారు. ఆ రాష్ట్రంలో మొత్తం యాక్టివ్‌ కేసుల సంఖ్య 1104కు పెరిగింది.

భారతదేశంలో శుక్రవారం 312 కొత్త కోవిడ్ -19 కేసులు నమోదయ్యాయి. ఇందులో కేరళ నుండి 280 కేసులు నమోదయ్యాయి. ప్రభుత్వ డేటా ప్రకారం, గత 24 గంటల్లో నిర్వహించిన 17,605 పరీక్షలలో తాజా కేసులు బయటపడ్డాయి. ఈ నెలలో వైరస్ కారణంగా ఇద్దరు వ్యక్తులు మరణించడంతో కేరళలో కోవిడ్ -19 కేసులు అకస్మాత్తుగా పెరుగుతున్నాయి. అధికారిక గణాంకాల ప్రకారం, నవంబర్‌లో కేరళలో 470 కేసులు నమోదయ్యాయి.. ఈ నెల మొదటి పది రోజుల్లో 825 కొత్త కేసులు నమోదయ్యాయి, ఇది భారతదేశంలోనే అత్యధికం. కేరళ రాష్ట్రంలో గురువారం నాటికి 1,104 యాక్టివ్ కోవిడ్ కేసులు ఉన్నాయి.