'బుల్లి బాయి' యాప్‌ సృష్టికర్త అరెస్టు

'బుల్లి బాయి' యాప్‌ను రూపొందించిన 21 ఏళ్ల నీరజ్ బిష్ణోయ్‌ని ఢిల్లీ పోలీసులు అస్సాంలో అరెస్ట్ చేశారు. ఈ కేసులో ఇప్పటి వరకు మొత్తం నలుగురిని అరెస్టు చేశారు. వర్చువల్ వేలం కోసం.. వారి అనుమతి లేకుండానే పలువురు ముస్లిం మహిళల ఫోటోలు యాప్‌లో అప్‌లోడ్ చేయబడ్డాయి. ఈ కేసు పెద్ద దుమారాన్ని రేపింది. నీరజ్ బిష్ణోయ్ భోపాల్‌లోని వెల్లూర్ ఇన్‌స్టిట్యూట్ ఆఫ్ టెక్నాలజీలో బీటెక్‌ రెండవ సంవత్సరం విద్యార్థి. అతను అస్సాంలోని దిగంబర్ జోర్హాట్ నివాసి. అతని ఇంటి నుంచి యాప్‌ను రూపొందించిన పరికరాన్ని కూడా పోలీసులు స్వాధీనం చేసుకున్నారు.

నిందితుడితో పోలీసు బృందం మధ్యాహ్నం 3:30 గంటలకు ఢిల్లీ విమానాశ్రయానికి చేరుకుంటుందని సీనియర్ అధికారి ఒకరు తెలిపారు. ఈ కేసులో ప్రధాన నిందితురాలు 18 ఏళ్ల శ్వేతా సింగ్‌తో సహా ముగ్గురిని ముంబై పోలీసులు గతంలో అరెస్టు చేశారు. ఈ కేసులో బుధవారం తెల్లవారుజామున ఉత్తరాఖండ్‌లో మయాంక్ రావల్ (21) పట్టుబడగా, ఇంజనీరింగ్ విద్యార్థి విశాల్ కుమార్ ఝా (21) సోమవారం బెంగళూరులో పట్టుబడ్డాడు. వందలాది మంది ముస్లిం మహిళల ఫోటోలు "బుల్లి బాయి" మొబైల్ అప్లికేషన్‌లో అప్లోడ్ చేయ‌బ‌డి "వేలం" కోసం జాబితా చేయబడ్డారు. ఈ యాప్ "సుల్లి డీల్స్" యొక్క క్లోన్‌గా కనిపించింది. ఈ యాప్‌ గత సంవత్సరం నుండి ఇదే క్ర‌మంలో చర్య‌ల‌కు ప్రేరేపించింది.