బీహార్ అప్రమత్తంగా ఉంది.. ప్రతిరోజూ 50 వేల కోవిడ్ పరీక్షలను నిర్వహిస్తున్నాం : సీఎం

ప్రపంచవ్యాప్తంగా కోవిడ్ కేసులు పెరుగుతున్న దృష్ట్యా మంగళవారం నుంచి ఆరోగ్య కేంద్రాల వద్ద మాక్ డ్రిల్‌లు నిర్వహించాలని కేంద్రం రాష్ట్రాలను కోరింది. కేసుల పెరుగుదల కారణంగా క్లినికల్ కేర్ అవసరాల పెరుగుదలను తీర్చడానికి కోవిడ్ ఆరోగ్య సౌకర్యాల సంసిద్ధతను నిర్ధారించడానికి, కేంద్ర ఆరోగ్య మంత్రిత్వ శాఖ మంగళవారం అన్ని ఆరోగ్య కేంద్రాల వద్ద మాక్ డ్రిల్‌లను నిర్వహించాలని రాష్ట్రాలు, కేంద్ర పాలిత ప్రాంతాలను కోరింది.

ఆసుపత్రుల్లో ఆక్సిజన్, ఫంక్షనల్ లైఫ్ సపోర్టు పరికరాలు అందుబాటులో ఉండేలా చూడాలని, ఎలాంటి సవాలునైనా ఎదుర్కొనేందుకు సరిపడా సిలిండర్ల నిల్వ ఉండేలా చూడాలని రాష్ట్రాలను కేంద్రం కోరింది. చైనా, దక్షిణ కొరియా, జపాన్, థాయిలాండ్, హాంకాంగ్ నుండి వచ్చే అంతర్జాతీయ ప్రయాణీకులకు ప్రభుత్వం RT-PCR పరీక్షను తప్పనిసరి చేసింది. చైనాలో కోవిడ్ కేసులు ప్రపంచవ్యాప్తంగా ఆందోళనలకు దారితీశాయి. ప్రజలు మాస్క్‌లు ధరించాలని, రద్దీగా ఉండే ప్రదేశాలకు దూరంగా ఉండాలని, త‌గిన జాగ్ర‌త్త‌ల‌ను తీసుకోవాల‌ని ప్రభుత్వం ప్రజలను కోరింది.

ఈ నేప‌థ్యంలోనే బీహార్ సీఎం నితీశ్ కుమార్ ఆదివారం మాట్లాడుతూ.. కోవిడ్ పరీక్షలు నిర్వహించి వ్యాక్సిన్లు ఇస్తున్నాం. ప్రతిరోజూ దాదాపు 45,000-50,000 పరీక్షలు నిర్వహిస్తున్నాం. బీహార్ అప్రమత్తంగా ఉంది. రోగులకు చికిత్స అందిస్తున్నాం. కేంద్రం కూడా జాగ్రత్తగా ఉంది. బయటి నుంచి వచ్చే వారితో జాగ్రత్తగా ఉండాలని అన్నారు.

కోవిడ్ ఇన్‌ఫెక్షన్ల పెరుగుదల, దేశంలో ఓమిక్రాన్ సబ్‌వేరియంట్ BF.7 కేసుల వ్యాప్తి ఊహాగానాల నేప‌థ్యంలో కర్ణాటక ప్రభుత్వం నూతన సంవత్సర వేడుకలు, రాబోయే రోజుల్లో అనుసరించాల్సిన నివారణ చర్యలు, మార్గదర్శకాలపై సోమవారం నిర్ణయం తీసుకునే అవకాశం ఉంది.