షాకింగ్‌ : ఓమిక్రాన్ నుండి కోలుకున్న వ్య‌క్తికి కరోనా పాజిటివ్

కరోనావైరస్ యొక్క ఓమిక్రాన్ వేరియంట్‌ బారిన పడిన బెంగళూరుకు చెందిన వైద్యుడు.. మరోసారి కరోనా వైరస్‌ పాజిటివ్ గా నిర్ధారించబడ్డాడు. ఇంత‌కుముందు విదేశీ ప్రయాణ చరిత్ర లేని 46 ఏళ్ల వైద్యుడు దేశంలో ఓమిక్రాన్‌ గుర్తించబడిన మొదటి ఇద్దరు వ్యక్తులలో ఒకరు. ఇంకొక వ్యక్తి దక్షిణాఫ్రికా నుండి వచ్చిన తరువాత దుబాయ్‌కు వెళ్లాడు. "ఓమిక్రాన్ వేరియంట్‌తో బాధపడుతున్న వైద్యుడికి మరోసారి కోవిడ్ -19 పాజిటివ్ అని తేలింది" అని బృహత్ బెంగళూరు మహానగర పాలికే (బిబిఎంపి) అధికారి మీడియాకి తెలిపారు.

వైద్యుడు ఐసోలేషన్‌లో ఉన్నారని మరియు ఎలాంటి కరోనా లక్షణాలు కూడా లేవని అధికారి తెలిపారు. ఒమిక్రాన్ పాజిటివ్ గా తేలిన ఆ డాక్టర్ కు ఎలాంటి ట్రావెల్ హిస్టరీ లేదని తేలింది. ఎక్కడికెళ్లకుండానే ఆయనకు ఒమిక్రాన్ పాజిటివ్ వచ్చిందని చెబుతున్నారు. డిసెంబర్ 21న డాక్టర్ కు జ్వరం, ఒళ్లు నొప్పులున్నాయని, మరుసటి రోజు ఆర్టీపీసీఆర్ టెస్టులో అతడికి పాజిటివ్ వచ్చిందని బీబీఎంపీ రికార్డుల్లో పేర్కొన్నారు. శాంపిల్ ను జీనోమ్ సీక్వెన్స్ కోసం పంపిస్తే.. 24వ తేదీన ఒమిక్రాన్ ఉన్నట్టు తేలింది. మూడు రోజుల చికిత్స తర్వాత అదే నెల 27న అతడిని డిశ్చార్జి చేశారు.