బీజేపీ గూటికి అర్జున్ సింగ్..!

పశ్చిమ బెంగాల్‌కు చెందిన బీజేపీ ఎంపీ అర్జున్ సింగ్ పార్టీని వీడేలా కనిపిస్తూ ఉంది. ఇటీవల చేసిన ట్వీట్లను బట్టి చూస్తే అతను బీజేపీ పట్ల అసంతృప్తితో ఉన్నారని, అతను తృణమూల్ కాంగ్రెస్‌లోకి తిరిగి వచ్చే అవకాశం ఉందని ఊహాగానాలకు దారితీస్తోంది. అర్జున్ సింగ్ తృణమూల్ కాంగ్రెస్ ప్రధాన కార్యదర్శి అభిషేక్ బెనర్జీని కామాక్ స్ట్రీట్ కార్యాలయంలో కలవడానికి కోల్‌కతాకు వెళ్లారు.

అర్జున్ సింగ్ ను శాంతింపజేసేందుకు కేంద్ర, రాష్ట్ర బీజేపీ నాయకత్వం ఆయనతో సంప్రదింపులు జరుపుతోందని, దీనికి సంబంధించి అనేక ఫోన్ కాల్స్ వచ్చాయని కథనాలు ఉన్నాయి. నార్త్ 24 పరగణా జిల్లా TMC నాయకులు అభిషేక్ బెనర్జీ కార్యాలయంలో సమావేశమయ్యారు. బెంగాల్ మంత్రి జ్యోతిప్రియ మల్లిక్, జిల్లా అధ్యక్షుడు పార్థ భౌమిక్ కూడా సమావేశంలో పాల్గొన్నారు.

అర్జున్ సింగ్ గురించి అడిగినప్పుడు, జ్యోతిప్రియా మల్లిక్ మాట్లాడుతూ "ఇది మా పార్టీ నైతిక విజయం, మమతా బెనర్జీ నాయకత్వంలో ప్రతి ఒక్కరూ తిరిగి పార్టీలోకి వస్తే, మేము వారిని స్వాగతిస్తాము" అని అన్నారు. TMC వర్గాల సమాచారం ప్రకారం అర్జున్ సింగ్ గత ఆరు నెలలుగా తమ పార్టీతో చర్చలు జరుపుతున్నారన్నారు. పార్టీలో సీనియర్ పదవిలో ఉన్నప్పటికీ తనను సరిగ్గా పని చేయడానికి అనుమతించడం లేదని అర్జున్ సింగ్ పశ్చిమ బెంగాల్ బీజేపీ నాయకత్వాన్ని తీవ్రంగా విమర్శించారు.