భారత సైన్యం చేతుల్లోకి దుమ్ములేపే ఆయుధాలు..!

భారత సైన్యం చేతుల్లోకి అప్డేటెడ్ ఆయుధాలు వెళ్ళబోతున్నాయి. రాబోయే 2-3 వారాల్లో 7,000 కలాష్నికోవ్ AK-203 రైఫిల్స్ తదుపరి బ్యాచ్‌ను సైన్యం అందుకోనుంది. 2024లో ఉత్తరప్రదేశ్‌లోని అమేథిలో ఉమ్మడి ఇండో-రష్యన్ వెంచర్ కింద తయారు చేసిన ఈ రైఫిల్స్‌లో 35,000 సైన్యానికి అందాయి. 2026లో అదనంగా లక్ష యూనిట్లు డెలివరీ కానున్నాయి.

కలాష్నికోవ్ సిరీస్ కు సంబంధించి ఆధునీకరించిన వెర్షన్ AK-203, అత్యుత్తమ ఖచ్చితత్వాన్ని కలిగి ఉండటమే కాకుండా, దాని మెరుగైన ఎర్గోనామిక్స్, అనుకూలత ఉగ్రవాద నిరోధక కార్యకలాపాలకు, అధిక ఎత్తులో యుద్ధానికి అనువైనవిగా మారాయి. భారతదేశం జూలై 2021లో రష్యాతో రూ. 5,000 కోట్ల విలువైన 6 లక్షలకు పైగా AK-203 రైఫిల్స్ కోసం ఒప్పందంపై సంతకం చేసింది. రష్యా నుండి సాంకేతికత బదిలీతో భారతదేశంలోనే తయారు చేయనున్నారు. చైనాతో వాస్తవ నియంత్రణ రేఖ (LAC) వెంట, పాకిస్తాన్ సరిహద్దు కార్యకలాపాల దృష్ట్యా అప్‌గ్రేడేషన్‌ను వేగవంతం చేశారు.