ఇంత‌వ‌ర‌కూ సీఎం ప‌ద‌విపై చర్చే జ‌ర‌గ‌లేదు : అజిత్ పవార్

మహారాష్ట్రలో తదుపరి ముఖ్యమంత్రి ఎవరనే విషయమై ఐదు రోజులుగా సస్పెన్స్ కొనసాగుతోంది. మహారాష్ట్ర సీఎం విషయమై ఇవాళ రాత్రి 9 గంటలకు ఢిల్లీలో ఎన్డీయే సమావేశం జరగనుంది. ఈ సమావేశంలో పాల్గొనేందుకు నేషనలిస్ట్ కాంగ్రెస్ పార్టీ (ఎన్‌సీపీ) అధినేత అజిత్ పవార్ ఢిల్లీ చేరుకున్నారు. ఈ సమావేశానికి దేవేంద్ర ఫడ్నవీస్, ఏక్నాథ్ షిండే కూడా హాజరుకానున్నారు. ఈ ముగ్గురు నేతలు ఇవాళ హోంమంత్రి అమిత్ షాతో భేటీ కానున్నారు.

అమిత్ షాతో భేటీకి ముందు అజిత్ పవార్ విలేకరులతో మాట్లాడారు. ఈ సందర్భంగా మహారాష్ట్రలో విజయం క‌ట్ట‌బెట్టిన‌ ఎన్సీపీ కార్యకర్తలు, ప్రజలకు కృతజ్ఞతలు తెలిపారు. రాష్ట్ర ప్రగతి కోసం నిరంతరం శ్రమిస్తున్నామని చెప్పారు. మహిళలు, యువత కోసం ఎన్నో పథకాలు ప్రవేశపెట్టారని, దాని ఫలితమే ఈ విజయం అన్నారు.

జర్నలిస్టులు అజిత్ పవార్‌ను మహారాష్ట్ర తదుపరి ముఖ్యమంత్రి ఎవరు అని అడిగగా.. దీనిపై ఆయన మాట్లాడుతూ.. కూటమిలో ఉన్నామని, కూటమిలో ఒంటరిగా ఎలాంటి నిర్ణయం తీసుకోలేమ‌న్నారు. ఈరోజు అమిత్ షా భాయ్ తో సమావేశం ఉంది. మహారాష్ట్ర తదుపరి ముఖ్యమంత్రి ఎవరనే విషయంపై ఇంతకు ముందు ఎప్పుడూ చర్చించలేదు. సీఎం ప‌ద‌విపై ముందస్తు చర్చ పార్టీకి నష్టం కలిగించవచ్చు. సమావేశం తర్వాతే నిర్ణయం తీసుకుంటామ‌న్నారు. మా పార్టీ ఒకప్పుడు జాతీయ పార్టీ అని అజిత్ పవార్ అన్నారు. ఆ స్థితిని తిరిగి పొందేందుకు మనం ఇప్పుడు మరింత కష్టపడాలని శ్రేణుల‌కు సూచించారు. పోరాడి విజయం సాధిస్తాం. డిసెంబరు తర్వాత నిర్వహించే జాతీయ సదస్సుకు సంబంధించిన ప్రణాళికలను కూడా పవార్ ప్రకటించారు. ఆ సమయంలో పార్టీలో బాధ్యతలు అప్పగించబడతాయని పేర్కొన్నారు.

మహారాష్ట్ర ఎన్నికల్లో వినియోగించిన ఎలక్ట్రానిక్ ఓటింగ్ యంత్రాల (ఈవీఎం) విశ్వసనీయతను ప్రతిపక్షాలు ప్రశ్నిస్తున్నాయని ఎన్సీపీ చీఫ్ విమర్శించారు. పార్లమెంట్ ఎన్నికల్లో ఈవీఎంలు ఆమోదయోగ్యంగా ఉన్నాయని.. ఎందుకంటే ఫలితాలు తమకు (మహా వికాస్ అఘాడీ) అనుకూలంగా ఉన్నాయని ఆయన అన్నారు. అయితే, అసెంబ్లీ ఎన్నికల ఫలితాలు భిన్నంగా వచ్చినప్పుడు, వారు ఈవీఎంలను నిందిస్తారన్నారు. ఎవరైతే ఫలితాలు రాబట్టగలరో వారికే అవకాశాలు కల్పిస్తామని చెప్పారు. మేము యువ తరాన్ని ముందుకు తీసుకురావాలనుకుంటున్నాము. మహిళలకు పూర్తి అవకాశాలు లభించేలా చూడాలనుకుంటున్నాము. మహారాష్ట్రలో మహాయుతి కూటమికి మహిళలు గట్టి మద్దతు తెలిపారు. ఇంత‌వ‌ర‌కూ ఏ కూటమి నుంచైనా ఇంత పెద్ద సంఖ్యలో ఎమ్మెల్యేలు ఎన్నిక కావడం ఇదే తొలిసారి అన్నారు.