రాజ్యసభ నుంచి 19 మంది ఎంపీలు సస్పెన్షన్

తెలంగాణ రాష్ట్ర సమితి (టీఆర్‌ఎస్) ఎంపీలు రాజ్యసభ నుంచి స‌స్పెన్ష‌న్ కు గుర‌య్యారు. ఎంపీలు దామోదర్ రావు దివకొండ, వద్దిరాజు రవిచంద్ర, బి. లింగయ్య యాదవ్‌తో పాటు మరో 16 మంది ఎంపీలను మంగళవారం రాజ్యసభలో సభా కార్యక్రమాలకు అంతరాయం కలిగించినందుకు వారంపాటు సస్పెండ్ అయ్యారు. టీఆర్‌ఎస్ ఎంపీలతో పాటు ఇతర పార్టీలకు చెందిన ఎంపీలు వెల్‌లోకి దూసుకెళ్లి జీఎస్టీ, నిత్యావసర వస్తువుల ధరలు పెంచడంపై బీజేపీ నేతృత్వంలోని కేంద్ర ప్రభుత్వానికి వ్యతిరేకంగా నినాదాలు చేశారు.

ఎంపీలు తమ నిరసనను కొనసాగించడంతో.. డిప్యూటీ చైర్మన్ హరివంశ్ వారిని సభా వెల్ నుంచి వెళ్లిపోవాలని పదే పదే విజ్ఞప్తి చేశారు. దీంతో పార్లమెంటరీ వ్యవహారాల సహాయ మంత్రి మురళీధరన్ ఎంపీలను సస్పెండ్ చేయాల‌ని తీర్మానాన్ని ప్రవేశపెట్టారు. దీంతో వారం పాటు సస్పెండ్ చేయబడిన సభ్యుల పేర్లను హరివంశ్ చదివి వినిపించారు.

సస్పెండ్ అయిన వారిలో ఏడుగురు తృణమూల్ కాంగ్రెస్ (టిఎంసి)కి చెందినవారు కాగా, ఆరుగురు డిఎంకె, ముగ్గురు తెలంగాణ రాష్ట్ర సమితి (టిఆర్ఎస్), ఇద్దరు కమ్యూనిస్ట్ పార్టీ ఆఫ్ ఇండియా (మార్క్సిస్ట్), ఒకరు కమ్యూనిస్ట్ పార్టీ ఆఫ్ ఇండియా (కమ్యూనిస్ట్ పార్టీ) నుండి ఉన్నారు. సస్పెండ్ అయిన సభ్యులను సభ నుంచి వెళ్లిపోవాల్సిందిగా డిప్యూటీ చైర్మన్ ఆదేశించారు, అయితే వారు వెల్‌లో తమ నిరసనను కొనసాగించారు, దీంతో రెండుసార్లు స‌భ‌ వాయిదా పడింది. ప్లకార్డులతో సభలో నిరసన తెలిపినందుకు నలుగురు కాంగ్రెస్ ఎంపీలను సోమవారం లోక్‌సభ నుంచి సస్పెండ్ చేసిన సంగతి తెలిసిందే.